شیخ رشید آرمی چیف سے ملاقات کے معاملے میں جھوٹ بول رہے ہیں، احسن اقبال

پاکستان مسلم لیگ (ن) کے رہنما احسن اقبال نے کہا ہے کہ شیخ رشید آرمی چیف سے ملاقات کے معاملے میں جھوٹ بول رہے ہیں۔

سپریم کورٹ کے باہر میڈیا سے گفتگو کرتے ہوئے انہوں نے وضاحت کی کہ میری اور خواجہ آصف کی آرمی چیف سے ون آن ون ملاقات نہیں ہوئی، شیخ رشید نے اگر اس حوالے سے کچھ کہا ہے تو وہ جھوٹ بول رہے ہیں۔

 انہوں نے مزید کہا کہ آج سپریم کورٹ میں پنجاب کے بلدیاتی نمائندوں کی جانب سے درخواست سماعت کے لیے مقرر تھی، بدقسمتی سے آج ان نمائندوں کو نہیں سنا گیا، مزید پندرہ دن بعد سنا جائے گا۔

بعد ازاں انہوں نے ٹویٹر پر بھی اپنی بات کی وضاحت پیش کر دی۔

انہوں نے کہا موجودہ حکومت نے غیر قانونی طور پر پنجاب کے 50 ہزار بلدیاتی نمائندوں کو فارغ کر دیا ہے، سوا سال سے یہ 50 ہزار لوگ عدالتی نظام کے دروازے کھٹکھٹا رہے ہیں، صوبہ پنجاب موجودہ حکومت کے انتقامی ایجنڈے پر ہے۔

احسن اقبال نے کہا کہ آج پنجاب دو سال بعد ہر شعبے میں تباہ ہوچکا ہے، صوبہ بھر میں جو شہر چمکتے تھے وہ گندگی کا ڈھیر بن چکے ہیں، ایک شخص کے لیے پنجاب کو رسک پر لگا دیا گیا ہے۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site