پاکستانیوں کو بیرون ملک روزگار دلانے والے بڑے گروپ کے سی ای او خالد نواز کی وزیراعظم سے اپیل

کے ایچ ایم گروپ کے سی ای او خالد نواز نے کہا ہے کورونا وبا ختم ہوتے ہی کے ایچ ایم گروپ کی کمپنی شالان اینڈ جی ایل نے کورونا وبا کے خاتمے کے ساتھ ہی پاکستان اور دیگر ممالک میں اپنی سرگرمیاں شروع کر دی ہیں۔

انہوں نے کہا کہ بیرون ملک مقیم پاکستانی سالانہ 18.28 ارب ڈالر کا زرمبادلہ بھیجتے ہیں جس سے ملکی ذخائر مستحکم رہتے ہیں۔

ان کا کہنا تھا کہ اس زرمبادلہ کو لانے کا سب سے بڑا ذریعہ اوورسیز پروموٹرز ہیں جو اپنی ذاتی کاوشوں کی بنیاد پر اور لگن سے اپنا کام سرانجام دے رہے ہیں تاہم کورونا وبا کے باعث مسلسل 8 ماہ سے ان کا کام بند ہے۔

خالد نواز نے بتایا کہ اوورسیز پروموٹرز شدید مالی مشکلات کا شکار ہیں، ان میں سے بہت سے اپنے دفاتر بند کر چکے ہیں جبکہ باقی حکومت وقت سے ریلیف ملنے کے منتظر ہیں۔

انہوں نے وزیراعظم عمران خان سے اپیل کی کہ جس طرح انہوں نے تعمیراتی شعبے کو ریلیف مہیا کیا ہے اسی طرح اوورسیز پروموٹرز کو بھی ریلیف دیا جائے اور انہیں بلاسود قرضوں سمیت دیگر سہولتیں مہیا کی جائیں۔

کے ایچ ایم گروپ کے سی ای او کا کہنا تھا کہ ان کے ادارے نے ہزاروں پاکستانیوں کو بیرون ملک اچھی ملازمتیں دلائی ہیں، یہی وجہ ہے کہ شالان اینڈ جی ایل بہت کم وقت میں پاکستان کے 5 ہزار پروموٹرز میں ٹاپ فائیو پوزیشن میں شامل ہو چکا ہے۔

انہوں نے بتایا کہ انٹرنیشنل لیبر آرگنائزیشن نے بھی ہمارے شفاف اور موثر طریق کار کو سراہا ہے اور اس پر ایک دستاویزی فلم بھی بنائی ہے۔ ہمارا سیلیکشن پراسیس ہمیں دوسرے پروموٹرز سے ممتاز کرتا ہے۔

خالد نواز نے مزید کہا کہ ہمیشہ کی طرح ہم مستقبل میں بھی اپنے پاکستانی بھائیوں کے لیے روزگار کے مواقع فراہم کرتے رہیں گے۔

انہوں نے بتایا کہ بیرون ملک موجود ہماری ٹیمیں مکمل طور پر فعال ہو چکی ہیں اور ہمارے کلائنٹس سے رابطے میں ہیں، اس وقت بھی ہمارے پاس سینکڑوں آسامیوں کے آرڈرز آ چکے ہیں۔

ان کا کہنا تھا کہ اکتوبر میں ہمارے پاس بہت زیادہ آسامیاں آنے کی توقع ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site
پاکستانیوں کو بیرون ملک روزگار دلانے والے بڑے گروپ کے سی ای او خالد نواز کی وزیراعظم سے اپیل is highly popular post having 2 Twitter shares
Share with your friends
Powered by ESSB