عامر خان، سلمان خان سمیت کئی بھارتی اداکاروں نے چینلز اور اینکرز کے خلاف مقدمہ دائر کر دیا

عامر خان، سلمان خان اور اجے دیوگن سمیت بالی ووڈ کے کئی معروف اداکاروں نے بھارت کے دو نیوز چینلز اور ان کے اینکرز کے خلاف عدالت میں مقدمہ دائر کر دیا ہے۔

مختلف اداروں اور ہدایتکاروں کی جانب سے ری پبلک ٹی وی کے پرناب گوسوامی اور پردیپ بھاندری جب کہ ٹائمز ناؤ کے راہول شیو شنکر اور نویکا کمار پر مقدمہ دہلی ہائی کورٹ میں دائر کیا گیا ہے۔ 

اداکار و ہدایتکار عامر خان، سلمان خان، اجے دیوگن، انیل کپور، فرحان اختر، کبیر خان اور کئی دوسرے شوبز ستاروں نے دو ٹی وی چینلز کے خلاف ہتک آمیز اور توہین آمیز تبصرے کرنے پر مقدمہ دائر کیا ہے۔

درخواست دائر کرنے والوں میں پروڈیوسرز گلڈ آف انڈیا، دی سین اینڈ ٹی وی آرٹسٹ ایسوسی ایشن، انڈین فلم اینڈ ٹی وی پروڈیوسر کونسل اور اسکرین رائٹر ایسوسی ایشن شامل ہیں۔

مقدمے میں بالی ووڈ ستاروں کا میڈیا ٹرائل کرنے، ہتک آمیز الفاظ استعمال کرنے اور میڈیا کوڈ آف کنڈکٹ کو پورا نا کرنے جیسے الزامات شامل کیے گئے ہیں۔

بالی ووڈ اداکار سشانت سنگھ راجپوت کی موت کے بعد ٹی وی چینلز کی جانب سے کی جانے والی کوریج میں بالی ووڈ کے لیے گندگی، منشیات کا اڈہ اور غلاظت جیسے الفاظ استعمال کیے گئے۔

درخواست گزاروں کی جانب سے مطالبہ کیا گیا ہے کہ ٹی وی چینلز اداکاروں اور ہدایکاروں کے بارے میں نشر کیا گیا مواد واپس لے اور متعلقہ افراد سے معافی مانگے۔

یاد رہے کہ 14 جون کو اپنے فلیٹ میں مردہ پائے گئے بالی ووڈ اداکار سشانت سنگھ راجپوت کی موت کے بعد بالی ووڈ کے کئی اداکاروں کو شدید تنقید کا نشانہ بنایا گیا۔

بالی ووڈ میں اقربا پروری کو سشانت سنگھ کی موت کا ذمہ دار ٹھہرایا جاتا رہا۔

سشانت سنگھ کے مداحوں نے اسٹار کڈز کو مواقع دینے اور اصل ٹیلنٹ کی قدر نا کیے جانے کے خلاف باقاعدہ مہم کا آغاز کیا گیا۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site
عامر خان، سلمان خان سمیت کئی بھارتی اداکاروں نے چینلز اور اینکرز کے خلاف مقدمہ دائر کر دیا is highly popular post having 1 Twitter shares
Share with your friends
Powered by ESSB