بالی ووڈ اداکار عامر خان کی صاحبزادی ارا 4 سال تک کس عذاب سے گزریں؟

بھارت کے معروف اداکار و ہدایتکار عامر خان کی صاحبزادی ارا نے انکشاف کیا ہے کہ وہ 4 سال تک ڈپریشن جیسی بیماری کا شکار رہ چکی ہیں۔

ذہنی صحت کے عالمی دن کے حوالے سے ارا نے اپنے انسٹاگرام اکاؤنٹ پر ایک ویڈیو شیئر کی جس میں انہوں نے ڈپریشن کے خلاف جنگ میں اپنی جدوجہد کے بارے میں بتایا۔

اپنے ویڈیو پیغام میں ارا کا کہنا تھا کہ میں چار سال تک ڈپریشن جیسے مرض کا سامنا کر چکی ہوں اور کئی ڈاکٹرز سے علاج بھی کرا چکی ہوں۔

ان کا کہنا تھا کہ میں شروع سے ہی ذہنی امراض کے شکار افراد کے لیے کچھ کرنا چاہتی تھی لیکن مجھے نہیں پتا تھا کہ مجھے کیا کرنا چاہیے۔

ان کا کہنا تھا کہ ہمیں ان امراض کے خلاف ایک سفر کا آغاز کرنا چاہیے اور مجھے امید ہے کہ ہم نا صرف ایک دوسرے کو بلکہ ان امراض کو اچھی طرح سمجھنے کے قابل ہو جائیں گے۔

اراخان عامر خان کی پہلی بیوی رینا دت کی بیٹی ہیں، اُن کا ایک سگا بھائی جنید خان بھی ہے جبکہ اداکار کی دوسری اہلیہ کرن راؤ سے اُن کا ایک بیٹا ہے جس کا نام آزاد ہے۔

اداکارہ کنگنا راونات نے بھی عائرہ خان کی ویڈیو کا اپنے ٹویٹر اکاونٹ پر شیئر کیا۔

اداکارہ نے لکھا کہ مجھے 16 سال کی عمر میں جسمانی تشدد کا نشانہ بنایا گیا، اس دوران میں نے اپنی ایک بہن کا بھی خیال رکھا جسے تیزاب سے جلا دیا گیا تھا۔

اداکارہ نے لکھا کہ ڈپریشن کی بہت سی وجوہات ہوتی ہیں، ایک بڑی وجہ بچوں کے ماں باپ میں علیحدگی بھی ہے۔

انہوں نے کہا کہ روایتی خاندانی نظام ایک اہم ضرورت ہے۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site