بنگلہ دیش رواں برس فی کس آمدنی میں بھارت سے آگے بڑھ جائے گا، آئی ایم ایف

بھارتی معیشت کورونا وبا سے شدید متاثر

بین الاقوامی مالیاتی ادارے آئی ایم ایف کی جانب سے جاری رپورٹ میں بتایا گیا ہے کہ رواں سال بنگلہ دیش فی کس آمدنی کے لحاظ سے بھارت سے بھی آگے بڑھ جائے گا۔

آئی ایم ایف کی رپورٹ کے مطابق بھارت میں کورونا وائرس کی وجہ سے معیشت میں خاصا بگاڑ دیکھنے میں آیا ہے جس کے باعث بنگلہ دیش کا جی ڈی پی ریٹ بھارت کے موجودہ جی ڈی پی کے قریب پہنچ گیا ہے۔

عالمی معیشت پر نظر رکھنے والے ادارے کی رپورٹ کے مطابق کورونا وبا کے باعث رواں برس بھارت میں فی کس آمدنی 10.3 فیصد تک سکڑ کر 1877 ڈالر تک گر جانے کا امکان ہے۔

دوسری جانب رپورٹ میں بنگلہ دیش کی فی کس آمدنی بڑھ کر 1888 ڈالر تک پہنچ جانے کا امکان بتایا گیا ہے۔

اپوزیشن رہنما راہول گاندھی نے آئی ایم ایف کی رپورٹ سامنے آنے کے بعد مودی حکومت کو شدید تنقید کا نشانہ بنایا ہے۔

اپنے ٹویٹر پیغام میں راہول گاندھی کا کہنا تھا کہ بی جے پی کی نفرت انگیز قومیت پرستی کا نتیجہ یہ ہے کہ بنگلہ دیش بھارت سے آگے نکلنے کو تیار ہے۔

یاد رہے بھارت میں کورونا کی روک تھام کے لیے مناسب حکومتی اقدامات نا اٹھانے جانے کے باعث معیشت زوال پذیر ہے۔

کیپیٹل اکنامک لیمیٹڈ کی جانب سے گزشتہ ماہ شائع کی گئی رپورٹ میں بھارتی حکام کو خبردار کیا گیا تھا کہ اگر کورونا کے پھیلاو کو روکنے کے لیے مناسب اقدامات نہیں اٹھائے جاتے تو ملکی معیشت دیگر جنوبی ایشیائی ممالک سے بہت پیچھے رہ جائے گی۔

یاد رہے کہ بھارتی معیشت 2020 کی پہلی سہ ماہی میں 23.9 فیصد کمی آئی ہے اب آئی ایم ایف کی رپورٹ نے صورتحال کو مزید خرابی کا شکار بتایا  ہے۔

رپورٹ میں مزید بتایا گیا تھا کہ پاکستان، بنگلہ دیش اور سری لنکا نے کورونا سے نمٹنے کے موثر اقدامات اٹھائے ہیں جس کی وجہ سے ان ممالک کی جی ڈی پی زیادہ متاثر نہیں ہوگی، جب کہ ملک گیر شٹ ڈاون کے باعث بھارت کی معیشت کو مسلسل دباؤ کا سامنا ہے۔

آئی ایم ایف کا کہنا ہے کہ عالمی معیشت کو کورونا کے باعث اتنا نقصان نہیں ہوگا جتنا کے تصور کیا جا رہا ہے لیکن دنیا بھر کی معیشت میں 4.4  فیصد کی کمی آئے گی جب کہ کورونا کی موجودہ صورتحال کے باعث غیر یقینی کی کیفیت رہے گی۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site
بنگلہ دیش رواں برس فی کس آمدنی میں بھارت سے آگے بڑھ جائے گا، آئی ایم ایف is highly popular post having 1 Twitter shares
Share with your friends
Powered by ESSB