نجکاری فہرست سینیٹ میں پیش، پی آئی اے کا روزویلٹ ہوٹل بھی شامل

اسلام آباد : ‏نجکاری کی فہرست میں شامل 19 اداروں کے نام سینیٹ میں پیش کر دیے گئے، ‏پی آئی اے کا روز ویلٹ ہوٹل نیویارک بھی ان میں شامل ہے۔

اس کے علاوہ ‏بلوکی پاورپلانٹ، حویلی بہادرشاہ پلانٹ، ایس ایم ای بینک اور فرسٹ ویمن بینک نجکاری کی فہرست میں شامل ہیں۔

اسی طرح نجکاری کی فہرست میں ‏پاکستان اسٹیل ملز، پاکستان انجینئرنگ کمپنی، ‏سروسزانٹرنیشنل ہوٹل،جناح کنونشن سینٹر،ماڑی پیٹرولیم بھی موجود ہیں۔

نجکاری فہرست میں شامل دیگر ادارے ‏نندی پور پاور پلانٹ، اسٹیٹ لائف انشورنس کارپوریشن، ‏او جی ڈی سی ایل، پاکستان پیٹرولیم لمیٹڈ، گدو پاور پلانٹ ہیں۔

یاد رہے کہ حکومت نے اس سے قبل دعویٰ کیا تھا کہ وہ روزویلٹ ہوٹل کو فروخت نہیں کر رہی تاہم آج نجکاری کی فہرست میں اس ہوٹل کا نام بھی شامل ہے۔

کابینہ کی نجکاری کمیٹی نے جولائی میں فیصلہ کیا تھا کہ ہوٹل کو نجی پارٹی کے ساتھ جوائنٹ وینچر کے ذریعے چلایا جائے گا، اس موقع پر نیویارک کی ٹاسک فورس کو ڈی نوٹیفائی کرنے کا بھی فیصلہ کیا اور نجکاری کمیشن کو ہدایت کی گئی تھی کہ ہوٹل کے لیے فنانشل ایڈوائزر تعینات کیا جائے ۔

سینیٹ میں نجکاری کی فہرست پیش کیے جانے پر اپوزیشن نے ایوان میں شیم شیم کے نعرے لگائے۔

سینیٹر مشتاق نےکہا کہ حکومت کہتی تھی کہ روز ویلٹ ہوٹل نجکاری کی فہرست میں شامل نہیں، اب اس فہرست میں بتایا گیا ہے کہ روز ویلٹ ہوٹل کی نجکاری فہرست میں شامل ہے۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site