نوازشریف کی تقریر سے پریشان ن لیگی رہنماؤں نے رؤف کلاسرا کو کیا بتایا؟

گوجرانوالہ جلسے میں سابق وزیراعظم نواز شریف کی تقریر سے بعض لیگی رہنما سخت پریشان ہیں، اس بات کا دعویٰ سینئر صحافی رؤف کلاسرا نے اپنے وی لاگ میں کیا ہے۔

ان کا کہنا ہے کہ میری مسلم لیگ ن کے کچھ سینئر رہنماؤں سے گفتگو ہوئی ہے۔ وہ نواز شریف کی تقریرکے بعد بہت اپ سیٹ ہیں۔ ن لیگ کے تین چار رہنماؤں کا خیال ہے کہ نواز شریف نے ہمارے لیے سیاست کرنا مشکل کر دیا ہے۔

ان کا کہنا ہے کہ جن لیگی رہنماؤں پر کیسز ہیں وہ زیادہ پریشان ہیں کہ اب ہمیں دوبارہ جیل میں ڈال دیا جائے گا۔ وہ لیگی رہنما اس وقت جیل جانے کو تیار نہیں ہیں۔

رؤف کلاسرا نے مزید کہا کہ اسٹیج پر بیٹھے بعض لوگوں کے لیے بھی نواز شریف کی تقریر ایک بم شیل تھا۔ رہنماؤں نے اسی وقت آپس میں واٹس ایپ پر گفتگو کی اور کہا کہ یہ کیا ہو رہا ہے۔

ان کا کہنا ہے کہ مریم نواز کا رویہ بھی اتنا جارحانہ نہیں تھا جس کے لیے وہ مشہور ہیں۔

رؤف کلاسرا نے مزید کہا کہ موجودہ آرمی کمانڈ کے لیے بھی نواز شریف کی تقریر سرپرائز تھا۔ وہ یہ توقع نہیں کر رہے تھے کہ نواز شریف آرمی چیف کا نام لے کر ان پر الزامات لگائیں گے۔

انہوں نے کہا کہ اس قبل نواز شریف نام لیے بغیر تنقید کیا کرتے تھے لیکن اب وہ ایک قدم آگے چلے گئے ہیں۔ انہوں نے سیدھے الفاظ میں کہا کہ میں آپ کو چھوڑوں گا نہیں، میں آپ کا حساب لوں گا۔

اپنے وی لاگ میں انہوں نے مزید کہا زیادہ گلہ پیپلزپارٹی کا بنتا تھا کیونکہ ان کے ساتھ ماضی میں بہت کچھ ایسا ہوتا رہا جس پر وہ تنقید کر سکتے تھے۔ لیکن پیپلز پارٹی اس حد تک نہیں گئی۔ نواز شریف نے تو 72 سال کے مسائل کا ذمہ دار اسٹیبلشمنٹ کو قرار دیا۔

سینئر صحافی نے مزید کہا کہ نواز شریف نے 71 کی جنگ کا بھی حساس موضوع چھیڑا۔ انہوں نے سابق چیف جسٹس ثاقب نثار کا نام بھی لیا۔ علاوہ ازیں سابق ڈی جی آئی ایس پی آر عاصم سلیم باجوہ کے بارے میں بھی سخت گفتگو کی، ہم نے پہلی بار دیکھا کہ پنجاب سے تین بار وزیراعظم بننے والے شخص نے اسٹیبلشمنٹ پر اتنی الزام تراشی کی۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site
نوازشریف کی تقریر سے پریشان ن لیگی رہنماؤں نے رؤف کلاسرا کو کیا بتایا؟ is highly popular post having 1 Twitter shares
Share with your friends
Powered by ESSB