امریکہ کی کاروباری خاتون کا وزیراعظم بورس جانسن کے ساتھ افیئر کا اعتراف

امریکہ کی کاروباری خاتون اور سابق ماڈل جینیفر آرکری نے اعتراف کیا ہے کہ ان کا وزیراعظم بورس جانسن کے ساتھ اس وقت رومانوی تعلق رہا ہے جب وہ لندن کے میئر تھے۔

برطانوی اخبار ڈیلی میل کے مطابق جینیفر آرکری نامی امریکی خاتون سے جب ان کے بورس جانسن کے ساتھ تعلقات کے حوالے سوال کیا گیا تو انہوں نے صاف لفظوں میں اس کا اقرار کر لیا۔

اخبار کو انٹرویو دیتے ہوئے انہوں نے کہا کہ بورس جانسن نے ان پر “جذبوں کے طوفان” کی بارش کر دی تھی۔

اس سے قبل آرکری نے کئی ٹی وی چینلز کو انٹرویو دیتے ہوئے کہا تھا کہ ان کا بورس جانسن کے ساتھ خصوصی رشتہ تھا تاہم کسی افیئر کا اعتراف نہیں کیا تھا۔

یاد رہے کہ بورس جانسن 2008 سے 2016 تک لندن کے میئر رہے تھے، بعد میں انہیں وزیراعظم منتخب کیا گیا تھا۔

انڈیپنڈنٹ آفس فار پولیس کنڈکٹ (آئی او پی سی) نے ستمبر 2019 میں ان الزامات کی تحقیقات شروع کی تھیں کہ جو ایک اخبار میں شائع ہوئی تھیں اور جن میں کہا تھا کہ میئر لندن کے طور پر جانسن نے آرکری کے ساتھ اپنے ذاتی تعلق کو چھپایا تھا۔

ان پر یہ الزام بھی تھا کہ انہوں نے خاتون کو قومی خزانے سے ایک لاکھ 26 ہزار 500 پاؤنڈز دیے تھے۔

جانسن نے ان الزامات کی تردید کی تھی اور کہا تھا کہ انہوں نے کوئی غلط کام نہیں کیا، مئی میں آئی او پی سی نے بھی تحقیقات کے بعد کہا تھا کہ وزیراعظم کے خلاف کوئی کارروائی نہیں کی جائے گی۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site