نواز شریف نے چند ہفتے پہلے سیاسی بھیک کے پیغام بھجوائے تھے، اسد عمر

وفاقی وزیر منصوبہ بندی اسد عمر نے کہا ہے کہ سابق وزیراعظم نواز شریف نے چند ہفتے قبل سیاسی بھیک کے پیغامات بھجوائے تھے۔

سماجی رابطے کی ایپ ٹوئٹر پر اپنی ٹویٹ میں انہوں نے کہا کہ جب آپ نے یہ پیغام بھجوائے تھے تو اس وقت آپ کو علم نہیں تھا کہ ملک میں چار بار مارشل لا لگا تھا۔

انہوں نے سوال پوچھا کہ کیا لندن پہنچنے کے بعد آپ کو ان باتوں کا علم ہوا؟

اسد عمر نے ایک اور ٹویٹ میں الزام عائد کیا کہ اپوزیشن پہلے ایف اے ٹی ایف کی آڑ میں حکومت کو بلیک میل کر کے این آر او کی ناکام کوشش کرتی ہے۔

انہوں نے کہا کہ بعد میں میاں صاحب ہرکارے بھیج کر اپنے اور بیٹی کے لیے سیاسی بھیک کے لیے اداروں سے مداخلت کی درخواست کرتے ہیں، اور جب دونوں میں ناکامی ہوتی ہے تو ان کو فوجی قیادت جمہوریت دشمن لگنا شروع ہو جاتی ہے۔

وفاقی وزیر نے مزید کہا کہ یہ کیسا سیاست دان ہے جوکلبھوشن یادیو کا نام نہیں لیتا، مودی کو گھر بلاتا ہے اور دنیا میں پاک فوج کی قیادت کو بدنام کرنے کی کوشش کرتے نہیں تھکتا۔

اسد عمر کا مزید کہنا تھا کہ یہ کیسا سیاست دان ہے جو آرایس ایس کے خلاف نہیں بولتا لیکن اپنی فوج کے خلاف زہر اگلتا ہے۔

یاد رہے کہ گزشتہ روز پاکستان ڈیموکریٹک موومنٹ کے جلسے سے خطاب میں نوازشریف نے فوجی قیادت پر سنگین الزامات لگائے تھے اور آرمی چیف کو ملکی مسائل کا ذمہ دار قرار دیا تھا۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site
نواز شریف نے چند ہفتے پہلے سیاسی بھیک کے پیغام بھجوائے تھے، اسد عمر is highly popular post having 4 Twitter shares
Share with your friends
Powered by ESSB