کنویں میں گرنے والے ہاتھی کو 14 گھنٹوں کے آپریشن کے بعد بچا لیا گیا

بھارت کی جنوبی تامل ناڈو ریاست کے ایک گاؤں کے کنویں میں گرنے والے ہاتھی کو مسلسل 14 گھنٹے کے ریسکیو آپریشن کے بعد زندہ حالت میں نکال لیا گیا ہے۔

یاد رہے گزشتہ روز ہاتھی گاؤں کے ایک 16.7 میٹر گہرے کنویں میں گر گیا تھا جس پر قریب کھڑے ایک کسان نے چیخ و پکار شروع کر دی تھی، کسان کی آواز کو سنتے ہی متعدد لوگ وہاں پہنچ گئے۔

ہاتھی کو کنویں سے نکالنے کے ریسکیو آپریشن کو دیکھنے کیلئے لوگوں کا جم غفیر جمع ہو گیا جسے کنٹرول کرنے کیلئے مقامی پولیس کو طلب کرنا پڑا۔

ریسکیو آپریشن کے دوران کئی طرح کی دشواریوں کا سامنا کرنا پڑا، کرین کو آتے آتے کچھ وقت لگا، اسی طرح ہاتھی کو نکالنے کیلئے پہلی بار جو رسے استعمال کئے گئے وہ کمزرو ثابت ہوئے تھے۔

بعد ازاں مضبوط رسوں اور خاص قسم کے بیلٹ کا انتظام کیا گیا، ریسکیو اہلکاروں کے ساتھ متعدد مقامی افراد بھی کنویں میں اترے۔

ہاتھی کو وہاں سے نکالنے کیلئے دو ٹرک اور ایک کرین استعمال کی گئی اور مسلسل 14 گھنٹوں کی تگ و دو کے بعد ہاتھی کو گہرے کنویں سے با حفاظت باہر نکال لیا گیا۔

مقامی افراد کی طرف سے بھارتی تامل ناڈو ریاست کے گاؤں میں گرنے والے ہاتھی کی عمر 25 سال بتائی جاتی ہے۔

ہاتھی کو کنویں سے نکالنے کے ریسکیو آپریشن کی ویڈیو سوشل میڈیا پر وائرل ہو رہی ہے۔

صارفین ایک طرف ہاتھی کے زندہ و سلامت نکل آنے پر خوشی اظہار کر رہے ہیں تو دوسری طرف ریسکیو اہلکاروں اور گاؤں کے مقامی افراد کو تحسین پیش کر رہے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site