پاکستان نے کورونا ویکسین کیلئے چین سے امید لگا لی

کورونا کی دوسری لہر پاکستان میں شدت اختیار کرتی جا رہی ہے ایسے حالات میں پاکستان نے کورونا ویکسین کیلئے چین سے رابطے کا فیصلہ کیا ہے۔

 نیشنل انسٹی ٹیوٹ آف ہیلتھ (این آئی ایچ) وزارت خارجہ کے ذریعے چینی حکومت سے رابطہ کرے گا۔

ذرائع کا کہنا ہے کہ اس حوالے سے چینی کمپنیز کین سائینو، سائینو فارم کی تفصیلات مانگی جائیں گی۔

ذرائع کا مزید کہنا ہے کہ چین سے متوقع ویکسین کی قیمت، کلینکل ٹرائلز کا ڈیٹا مانگا جائے گا۔

واضح رہے کین سائینو، سائینو فارم کورونا ویکسین کلینیکل ٹرائلز فیز تھری میں ہیں۔

پاکستان کی طرف سے پہلے مرحلے میں چینی کمپنی کین سائینو، سائینوفارم کی ویکسین کے کلینکل ٹرائلز کا تفصیلی ڈیٹا مانگا جائے گا۔

خیال رہے چین کی مذکورہ کمپنی کین سائینو پاکستان کے تعاون سے کورونا ویکسین کے کلینکل ٹرائلز کر رہی ہے۔

ذرائع کا کہنا ہے کہ کین سائینو کی ویکسین کے کلینکل  ٹرائلز کے مکمل نتائج دو ماہ میں آئیں گے۔

کورونا ویکسین پرچینی ردعمل کے بعد پاکستان کی طرف سے آئندہ کا لائحہ عمل ترتیب دیا جائے گا۔

اس کے بعد چینی ویکسین کے کلینیکل ٹرائلز کے ڈیٹا پر پاکستانی ماہرین غور کریں گے۔

اس مقصد کیلئے پاکستانی ماہرین کی منظوری پر چین سے ویکسین پر تفصیلی بات چیت بھی ہو گی، پاکستان کو چین سے کورونا ویکسین بارے مثبت ردعمل کی امید ہے کیونکہ پاکستان کچھ عرصے سے چین کے اشتراک سے کورونا ویکسین تیار کرنے کی کوشش کر رہا ہے۔

خیال رہے پاکستان میں کورونا کے متاثرین کی تعداد میں مسلسل اضافہ ہو رہا ہے اسی طرح ماہرین کا خیال ہے کہ کورونا کی دوسری لہر میں اموات کی شرح بھی پہلے سے زیادہ ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site