وزیراعظم کی چوہدری برادران سے ملاقات میں شادی کی بات پر قہقہہ

ملاقات کی اندرونی کہانی سامنے آ گئی

وزیراعظم عمران خان اور  چوہدری برادران کی گزشتہ روز ہونے والی ملاقات کی اندرونی کہانی سامنے آ گئی ہے۔

جیو نیوز کے مطابق ملاقات میں عمران خان نے چوہدری شجاعت صاحب کی کی صحت کے متعلق دعا دی اور کہا وہ انہیں بھی پرویز الہی کی طرح سمجھیں۔

چوہدری شجاعت نے وزیراعظم کو کہا کہ شاید آپ کے اردگرد موجود لوگ آپ تک صحیح بات نہیں پہنچاتے، آپ پرویز الٰہی سے براہ راست بات کرلیا کریں جس پر وزیراعظم نے کہا کہ چوہدری صاحب فکر نہ کریں مل جل کر کام کریں گے۔

ملاقات کے دوران چوہدری شجاعت کا کہنا تھ کہ آپ ہمارے گھر پر آئے ہمارا کوئی گلہ شکوہ نہیں، ہم آپ کے ساتھ ہیں، ہم نے تحریک انصاف کے ساتھ مل کر الیکشن لڑا ہے اور 5 سال آپ کے ساتھ رہیں گے۔

ذرائع کے مطابق وزیر اعظم اور چوہدری برادران کے درمیان ملاقات میں مونس الٰہی کی وزارت کی بات نہیں ہوئی۔

چوہدری شجاعت نے کہا کہ آپ کی پہلی شادی پر آنا چاہتا تھا لیکن کارڈ نہیں بھیجا، وزیراعظم کی پہلی شادی کی بات پر عمران خان اور پرویز الٰہی نے زور دار قہقہہ لگایا۔

وزیراعظم عمران خان نے کہا کہ چوہدری صاحب آپ کو اتنی پرانی بات یاد ہے، جس پر انہوں نے جواب دیا کہ باتیں اچھی طرح یاد رکھتا ہوں۔

ذرائع کا کہنا ہے کہ وزیر اعظم اور چوہدری برادران کے درمیان اس ملاقات کے بعد غلط فہمیاں دور ہوگئی ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
وزیراعظم کی چوہدری برادران سے ملاقات میں شادی کی بات پر قہقہہ is highly popular post having 1 Twitter shares
Share with your friends
Powered by ESSB

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site