وزیراعظم کو چوہدری برادران کی دھمکی کس نے پہنچائی؟ رؤف کلاسرا کے انکشافات

عمران خان نے چوہدری برادران سے کیا کھیل کھیلا ہے؟

سینئر صحافی اور معروف ٹی وی اینکر رؤف کلاسرا نے وزیراعظم عمران خان اور چوہدری شجاعت کی ملاقات کے متعلق اہم انکشافات کر دیے ہیں۔

اپنے وی لاگ میں رؤف کلاسرا کا کہنا ہے کہ عمران خان اور چوہدری برادران کے درمیان جنرل پرویز مشرف کے دور حکومت سے ہی مخاصمت چل رہی ہے۔

انہوں نے کہا کہ عمران خان ماضی میں چوہدری پرویز الہی کو پنجاب کا سب سے بڑا ڈاکو قرار دیتے رہے ہیں اور جب بھی وہ لاہور آتے ہیں انہوں نے کبھی چوہدری برادران سے ملاقات نہیں کی۔

اختلافات کیا ہیں؟

رؤف کلاسرا کے مطابق چوہدری پرویز الہی اپنے بیٹے مونس الہی کو وزیر بنوانا چاہتے ہیں مگر ان پر ماضی میں کرپشن کے سنگین الزامات لگ چکے ہیں اور لیے عمران خان اس پر تیار نہیں ہوتے۔

انہوں نے کہا کہ اب عمران خان چوہدری شجاعت کی عیادت کے لیے ان کے گھر پہنچے تو جواب میں چوہدری برادران ہر آتے جاتے کو کہہ رہے ہیں کہ ہمیں اب مزید کوئی شکوہ نہیں رہا۔

ان کا کہنا ہے کہ ڈھائی سال بعد عمران خان کو چوہدری برادران کی یاد آئی ہے تو اس کے پیچھے چوہدری پرویز الہی کی دھمکی ہے جو انہوں نے ایک بڑی شخصیت کے ہاتھوں بھجوائی ہے اور جس میں کہا گیا ہے یہ آخری وارننگ ہے۔

رؤف کلاسرا نے اس بڑی شخصیت کا نام بھی بتا دیا جس کے ذریعے یہ دھمکی بھجوائی گئی کہ ہم مزید اس حکومت کا ساتھ نہیں دے سکتے کیونکہ ہمارے ساتھ کیے گئے وعدے بھی پورے نہیں کیے گئے اور عمران خان ہمارے ساتھ ملاقات کرنا بھی پسند نہیں کرتے۔

عمران خان نے کیا کھیل کھیلا ہے؟

رؤف کلاسرا نے بتایا کہ جب عمران خان تک چوہدری برادران کی دھمکی پہنچائی گئی تو انہیں ملاقات کرنا پڑی مگر اس دوران انہوں نے بھی اپنا کھیل کھیلا ہے۔

انہوں نے انکشاف کیا کہ وزیراعظم نے ملاقات سے پہلے چوہدری شجاعت کے فرزند چوہدری سالک حسین کو فون کیا اور ان سے گپ شپ بھی کی، ملاقات کے دوران بھی وہ ان کی طرف توجہ دیتے رہے جس کے باعث مونس الہی کی جگہ چوہدری سالک کی سیاسی اہمیت بڑھ گئی ہے۔

رؤف کلاسرا کا کہنا ہے کہ چوہدری سالک پر کسی قسم کی کرپشن کا الزام نہیں ہے اور انہوں نے چکوال سے بھی الیکشن جیتا ہوا ہے، انہیں اہمیت دے کر مونس الہی اور چوہدری پرویز الہی کی سیاست اہمیت کو کمزور کیا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
وزیراعظم کو چوہدری برادران کی دھمکی کس نے پہنچائی؟ رؤف کلاسرا کے انکشافات is highly popular post having 6 Twitter shares
Share with your friends
Powered by ESSB

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site