بابر اعظم پر الزامات عائد کرنے والی خاتون پر مبینہ قاتلانہ حملہ

پاکستانی کرکٹ ٹیم کے کپتان بابر اعظم پر شادی کا جھانسہ دینے اور زیادتی کرنے کے الزامات عائد کرنے والی خاتون حامیزہ مختار پر مبینہ طور پر قاتلانہ حملہ ہوا ہے۔

لاہور کے تھانہ کاہنہ میں مقدمہ کے اندراج کی درخواست میں خاتون نے بتایا ہے کہ ان کی گاڑی پر کاہنہ کے علاقے میں نامعلوم موٹرسائیکل سواروں نے فائرنگ کی ہے۔

کرکٹر بابر اعظم پر سنگین الزامات لگانے والی خاتون سیشن ہائی کورٹ پہنچ گئیں

بابر اعظم، دنیائے کرکٹ میں سب سے زیادہ موضوع بحث کھلاڑی

انہوں نے بتایا کہ ان کی گاڑی کو 4 گولیاں لگیں مگر خوش قسمتی سے وہ محفوظ رہیں۔

حامیزہ مختار نے الزام لگایا ہے کہ انہیں کئی دن سے دھمکیاں مل رہی تھیں، ان کا کہنا ہے کہ ان کی جان کو خطرہ ہے۔

انہوں نے وزیراعظم عمران خان سے اپیل کی ہے کہ وہ ان کے کیس کو خود دیکھیں اور انھیں تحفظ فراہم کیا جائے۔

چند روز قبل لاہور حامیزہ نامی خاتون نے لاہور پریس کلب میں پریس کانفرنس کرتے ہوئے الزام عائد کیا تھا کہ بابراعظم نے شادی کا جھانسہ دیکر انہیں کئی بار زیادتی کا نشانہ بنایا۔

ان کا کہنا تھا کہ بابر اعظم کے ساتھ ان کا بہت پرانا تعلق ہے جس کا تمام ریکارڈ ان کے پاس موجود ہے۔

دوسری جانب لاہور کی مقامی عدالت نے  بھی دوران سماعت قومی کرکٹ ٹیم کے کپتان بابر اعظم اور ان کے اہلخانہ کو بابر اعظم پر سنگین نوعیت کے الزامات عائد کرنے والی خاتون حامیزہ کو ہراساں نہ کرنے کا حکم دیا تھا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site