معروف بھارتی کوریوگرافر ریمو ڈی سوزا کو دل کا دورہ، اسپتال منتقل

بھارت کے معروف کوریوگرافر ریمو ڈی سوزا کو دل کا دورہ پڑانے کے بعد اسپتال منتقل کر دیا گیا ہے جہاں ان کی فوری طور پر انجیوپلاسٹی کی گئی ہے۔

بھارتی میڈیا کے مطابق ریمو ڈی سوزا کو ممبئی کے کوکیلا بین اسپتال میں داخل کیا گیا ہے۔

46 سالہ کوریوگرافر کو انتہائی نگہداشت یونٹ (آئی سی یو) میں رکھا گیا ہے جہاں ڈاکٹرز ان کی دیکھ بھال کر رہے ہیں۔

پریس آف انڈیا کے مطابق ریمو ڈی سوزا کے قریبی ذرائع نے بتایا ہے کہ ان کی حالت قدرے بہتر ہے اور ڈاکٹروں نے انہیں انڈر آبزرویشن رکھا ہوا ہے۔

بھارت کے معروف ڈانسر دھرمیش یلاندے نے نے ای ٹائمز ٹی وی سے بات کرتے ہوئے کہا ہے کہ ‘یہ خبر سچ ہے، ریمو سر اب ٹھیک ہیں، ہم سب کوکیلا بین ہسپتال میں ان کے ساتھ ہیں’۔

خیال رہے کہ ریمو نے بولی وڈ ڈریمز نے 1995 میں کوریوگرافر کے طور پر ڈیبیو کیا تھا، انہوں نے 2003 میں چمبیلی، 2004 میں دھوم، 2006 میں 36 چائنا ٹاؤن، 2007 میں دہلی ہائٹس، 2008میں راک آن اور 2009 میں لندن ڈریمز کی کوریوگرافی کی۔

انہوں نے 2011 میں ہدایتکاری کے میدان میں قدم رکھا اور ان کی پہلی فلم ‘ایف۔اے ۔ ایل ۔ٹی ۔یو’ باکس آفس پر ہٹ ہوئی تھی۔

ریمو ڈی سوزا نے اے بی سی ڈی اور اے بی سی ڈی 2 کی ہدایات بھی دیں جن میں سے دونوں باکس آفس پر کامیاب ہوئیں۔

انہوں نے ریس تھری، اسٹریٹ ڈانسر تھری 3 ڈی اور فلائنگ جٹ کی ہدایات بھی دیں، اس کے علاوہ وہ ڈانس انڈیا ڈانس، ڈانس پلس اور جھلک دکھلا جا سمیت متعدد ڈانس ریئلٹی شوز کے جج بھی رہ چکے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
معروف بھارتی کوریوگرافر ریمو ڈی سوزا کو دل کا دورہ، اسپتال منتقل is highly popular post having 2 Twitter shares
Share with your friends
Powered by ESSB

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site