نادیہ خان تیسری بار شادی کے بندھن میں بندھنے کے لیے تیاریوں میں مصروف

مارننگ شوز سے شہرت کی بلندیوں کو چھونے والی پاکستان کی معروف اداکارہ نادیہ خان نے خاموشی سے منگنی کر لی ہے اور وہ تیسری شادی کے لیے تیاریاں کر رہی ہیں۔

میڈیا میں آنے والی رپورٹس کے مطابق انہوں نے اسلام آباد میں ایک نجی تقریب میں منگنی کی ہے، تقریب میں صرف اہلخانہ نے شرکت کی۔

میڈیا رپورٹس کے مطابق وہ جلد ہی شادی کے بندھن میں بندھنے جا رہی ہیں جس کے لیے تیاریاں شروع کر دی گئی ہیں۔

یہ اطلاعات بھی ہیں کہ نادیہ خان کئی بار ایک معروف ڈریس ڈیزائنر کے پاس شادی کا جوڑا سلوانے کے لیے جا چکی ہیں۔

سوشل میڈیا پر گردش کرنے والی خبروں کے مطابق ان کے منگیتر ائیرفورس میں پائلٹ ہیں، البتہ اداکارہ کی جانب سے اس معاملے پر مکمل خاموشی اختیار کی گئی ہے۔

نادیہ خان نے 1993 میں اداکاری کا آغاز کیا اور کئی ڈراموں میں اداکاری کے جوہر دکھائے، بعد ازاں وہ کچھ عرصے کے لیے ٹی وی سکرین سے غائب رہیں۔

اس کے بعد انہوں نے ٹی وی پر مارننگ شو کا آغاز کیا جس نے مقبولیت کے تمام ریکارڈ توڑ ڈالے۔

نادیہ خان اس سے قبل 2 بار شادی کے بندھن میں بندھ چکی ہیں اور ان کے 3 بچے بھی ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site