فلم ‘کپتان’ میں جمائما خان کا کردار کرنے والی اداکارہ کی شوٹنگ کے دوران تصویر وائرل

وزیراعظم عمران خان کی زندگی پر بننے والی فلم ‘کپتان’ میں ان کی سابقہ اہلیہ جمائما خان کا کردار اداکارہ سعیدہ امتیاز کر رہی ہیں۔

انہوں نے انسٹاگرام پر شوٹنگ کے دوران کی ایک تصویر شیئر کی ہے اور ساتھ لکھا ہے کہ سردی کے باعث نیٹ کے لباس میں میری قلفی جم رہی تھی اور ہاتھ پاؤں نے ساتھ چھوڑ دیا تھا۔

اس تصویر میں وہ جمائما خان سے مشابہہ نظر آ رہی ہیں، ان کے بالوں کا اسٹائل، کپڑوں اور جوتوں کے علاوہ کاندھے پر ایک لال شال، سب جمائما خان سے مشابہت میں اضافہ کر رہے ہیں۔

فلم میں مرکزی کردار ادا کرنے والوں میں عبدالمنان، سعیدہ امتیاز، نویداکبر، عثمان عالم شامل ہیں، فلم میں عمران خان کی حقیقی زندگی کی عکاسی کی جائے گی اور ان کی کرکٹ سے لے کر سیاست تک کی تمام زندگی کو نمایاں کیا جائے گا۔

جمائما خان اور عمران خان کی شادی 1995 میں ہوئی تھی، دونوں نے 1995 سے 2004 تک 9 سال اکٹھے لاہور میں گزارے۔

جمائما اور عمران خان کے 2 بیٹے سلیمان اور قاسم ہیں، جو اس وقت لندن میں زیر تعلیم ہیں اور اپنی والدہ جمائما گولڈ اسمتھ کے ہمراہ رہتے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site