سندھ اسمبلی کے 70 ارکان نے پیپلزپارٹی کی قیادت کو اپنے استعفے بھجوا دیے

پاکستان پیپلز پارٹی (پی پی پی) کے 70 ارکان سندھ اسمبلی کی جانب سے پارٹی قیادت کو اپنے استعفے بھجوا دیے گئے ہیں۔ ان ارکان میں پی پی پی کے 7 صوبائی وزرا بھی شامل ہیں۔

صوبائی وزیر برائے حقوق نسواں شہلا رضا نے بھی اپنا استعفی قیادت کو بھجوا دیا ہے۔ ان کے بقول انہوں نے چیئرمین بلاول بھٹو کے کہنے پر اپنا استعفی پیش کیا ہے۔

ذرائع کے مطابق سندھ اسمبلی کے ارکان نے استعفے قیادت کے حوالے کرنے کا سلسلہ دوسرے روز بھی جاری رکھا۔ صوبائی وزیر زراعت اسماعیل راہو بھی اپنی رکنیت سے مستعفی ہوگئے۔ ان کا کہنا تھا کہ رکنیت اسمبلی اور وزارت پارٹی کی امانت ہیں اور یہ کہ انہوں نے اپنا استعفی بلاول بھٹو کے حوالے کر دیا ہے۔

مستعفی ہونے والے مزید ارکان سندھ اسمبلی میں لیاقت آسکانی، شازیہ کریم سنگھار، ہیر سوہو اور محمد ساجد جوکھیو شامل ہیں۔ قومی اسمبلی کے رکن محمود عالم جاموٹ نے بھی اپنا استعفی پارٹی قیادت کو بھجوا دیا ہے۔

ترجمان بلاول ہاوس نے تصدیق کرتے ہوئے بتایا کہ پی پی کے 99 میں سے 70 ارکان نے اپنے استعفے پارٹی قیادت کے حوالے کر دیے ہیں جن میں 7 صوبائی وزرا بھی شامل ہیں۔

خیال رہے کہ گزشتہ روز وزیراعلی سندھ مراد علی شاہ کی جانب سے دیے گئے بیان میں انہوں نے کہا تھا کہ تمام ارکان کو جس دن قیادت نے حکم دیا وہ اسی دن اپنے استعفے پیش کر دیں گے۔

About Post Author

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site