ریٹنگ کے نظام میں ہیرپھیر، معروف بھارتی میڈیا گروپ کے چیف ایگزیکٹو گرفتار

انڈین پولیس نے بھارت کے معروف نیوزچینل ری پبلک ٹی وی کے چیف ایگزیکٹو کو ریٹنگ کے نظام میں ہیرپھیر کرنے پر گرفتار کر لیا۔

ری پبلک ٹی وی نے نشریات کے دوران کہا کہ پولیس نے اے آر جی آؤٹلیئر میڈیا کے سربراہ وکاس خانچندانی کو ممبئی میں ان کے گھر سے گرفتار کر لیا ہے۔ ری پبلک ٹی وی بھی اسی میڈیا گروپ کا حصہ ہے۔

بھارت میں ری پبلک ٹی وی سنسنی خیز خبریں پھیلانے کے لیے معروف ہے۔ اس کی نشریات انگریزی اور ہندی زبانوں میں ہوتی ہیں اور یہ نریندر مودی کی پالیسیوں کا حامی چینل سمجھا جاتا ہے۔ پولیس نے وکاس خانچندانی سے اس سے قبل بھی تفتیش کی تھی۔

میڈیا گروپ کے سربراہ کی گرفتاری پولیس کی اس تفتیش کا حصہ ہے، جو اکتوبر میں مغربی ریاست مہاراشٹرا میں ٹی وی چینل کے خلاف ریٹنگ نظام میں ہیر پھیر کے الزام پر شروع کی گئی ہے۔

کئی افراد کا خیال ہے کہ یہ گرفتاری ری پبلک ٹی وی اور مہاراشٹرا کی مقامی انتظامیہ کے درمیان چپقلش ہے جہاں حکمران اتحادی جماعتوں نے نریندر مودی کی بی جے پی کی جانب سے ریاست میں اتحاد کرنے کی کوششوں کا مقابلہ کیا تھا۔

یاد رہے کہ پولیس نے گزشتہ ماہ ارنب گوسوامی کے خلاف خودکشی پر اکسانے کا مقدمہ درج کر کے انہیں گرفتار کرلیا تھا۔

ممبئی پولیس کے سینئر افسر سنجے موہت نے کہا تھا کہ ریپبلک ٹی وی کے بانی ارنب گوسوامی کے خلاف مقدمہ ایک انٹیریئر ڈیزائنر انوے نائیک اور ان کی ماں کی موت سے منسلک ہے جسے پولیس نے خودکشی قرار دیا تھا۔

ارناب گوسوامی نے اپنے پروگرام میں وکاس خانچندانی کی گرفتاری کے حوالے سے کہا کہ ‘میں جانتا ہوں کہ وہ گرفتار ہوں گے اور اونچے سر کے ساتھ باہر آئیں گے’۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site