بھارت 80 ارب روپے سے پاکستان کے خلاف مہم چلا رہا ہے، رحمان ملک کا انکشاف

پاکستان پیپلزپارٹی کے سینیٹر رحمان ملک نے کہا کہ بھارت 3 سال سے پاکستان کے خلاف مہم چلا رہا ہے اور اس نے 80 ارب روپےاسی مقصد کے لیے جمع کیے ہیں۔

اپنے بیان میں انہوں نے کہا کہ بھارت نے ایسے لوگوں کے نام استعمال کئے جو مر چکے ہیں۔ ڈس انفو لیب نے بھارت کے چہرے کو بے نقاب کیا۔

رحمان ملک کا کہنا تھا کہ بھارت نے کشمیر میں جاری انسانی حقوق کی خلاف ورزیوں پر پردہ ڈالنے کیلئے پراپیگنڈہ استعمال کیا، جب بھی فیٹف کا ایشو ہوتا ہے بھارتی ایک خاص قسم کا پراپیگنڈہ شروع کردیتے تھے۔

 سینیٹر رحمان ملک نے کہا کہ 498 دن سے کشمیر میں کرفیو لگا ہوا ہے اور دنیا کے کانوں پر جوں نہیں رینگ رہی، اقوام متحدہ سورہا ہے اور اقوام عالم بھی سوئی ہوئی ہیں۔

انہوں نے کہا کہ پاکستان کے خلاف پراپیگنڈہ کے لیے 750 جعلی میڈیا آؤٹ لیٹ استعمال کئے گئے، جب سے پاکستان بنا ہے انڈیا نے کبھی ہمیں نہیں بخشا۔

انہوں نے کہا کہ مجھے امید تھی حکومت اس اسکینڈل پر کچھ ٹھوس کام کرے گی، جب بی بی سی نے سٹوری چلائی اس وقت دو وزراء نے آ کر صرف اس کی مذمت کی۔

ان کا یہ بھی کہنا تھا کہ صرف مذمت کافی نہیں ہے، ہمیں اس ایشو پر انٹرپول کو ملوث کر کے آئی سی جے میں جانا چاہئے تاکہ بھارت آئندہ ایسا نہ کرسکے۔

About Post Author

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site