یومیہ 10 ہزار کمپیوٹر خراب کرنے والا سافٹ ویئر، مائیکروسافٹ نے خبردار کر دیا

مائیکروسافٹ کی جانب سے ایک بلاگ میں بتایا گیا ہے کہ گزشتہ اگست کے دوران خطرناک کمپیوٹر پروگراموں کی وجہ سے یومیہ 10 ہزار کمپیوٹرز خراب ہوئے۔ ان پروگراموں میں سرفہرست ‘Adrozek’ نامی پروگرام ہے۔

امریکن میگزین ‘بی سی’ میں شائع ہونے والے آرٹیکل کے مطابق یہ پروگرام مئی میں پھیلنا شروع ہوا تھا اور اگست کے دوران اس کی تباہ کاریاں عروج پر تھیں۔ اس پروگرام کا تعلق وائرس کی کیٹگری مال ویئر سے ہے۔

یہ پروگرام صارف کے کمپیوٹر میں موجود فائلیں کرپٹ کر سکتا ہے جبکہ صارف کا ڈیٹا بھی اس کے ذریعے سے چرایا جاسکتا ہے۔ براؤزنگ کے کام کو صارف کے لیے غیر فعال کر سکتا ہے اور دوسری کسی بھی قسم کی ذاتی معلومات مثلاؑ صارف کے پاسورڈ، میسیجز، بینکنگ کی تفصیلات حاصل کر سکتا ہے۔

یہ وائرس جب کسی فائل پر حملہ آور ہوتا ہے تو اسے بیکار کر دیتا ہے، براؤزنگ کے کام کو غیر فعال کردیتا ہے، اسی طرح ڈیٹا چرا کر کسی کو کام کرنے کا اختیار دے دیتا ہے اور براؤزر کے ہوم پیج کو معطل کر دیتا ہے۔

کمپنی کی طرف سے کہا گیا ہے کہ اس پروگرام سے بچنے کے لیے صارفین اپنی ڈیوائسز میں اینٹی وائرس یا دوسرے معروف دفاعی پروگرامز انسٹال کریں۔ مزید یہ کہ انٹرنیٹ سے غیرمعروف پروگرام ڈاؤنلوڈ کرنے سے گریز کریں۔

کمپنی نے مزید کہا کہ کمپیوٹر میں موجود انسٹال کیے ہوئے پروگرامز کو سسٹم سے ختم کر کے دوبارہ انسٹال کرنے سے بھی مال وئیر سے بچا جا سکتا ہے۔

جواب دیں

آپ کا ای میل ایڈریس شائع نہیں کیا جائے گا۔

Back to top button
یومیہ 10 ہزار کمپیوٹر خراب کرنے والا سافٹ ویئر، مائیکروسافٹ نے خبردار کر دیا is highly popular post having 1 Twitter shares
Share with your friends
Powered by ESSB

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site