شو آف ہینڈ کے ذریعے سینیٹ الیکشن کرانا خلاف آئین ہے، فضل الرحمان

پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمان نے کہا ہے کہ حکومت کو سینیٹ الیکشن شو آف ہینڈ کے ذریعے کرانے کا اختیار کس نے دیا ہے؟

بہاولپور میں میڈیا سے خطانب کرتے ہوئے مولانا فضل الرحمان کا کہنا تھا کہ شو آف ہینڈ سینیٹ کے ذریعے الیکشن کرانا آئین کی خلاف ورزی ہے۔ سپریم کورٹ آئین کی تبدیلی کا اختیار نہیں رکھتی۔ لگتا ہے کہ پوری وفاقی کابینہ اس سے لاعلم ہے۔

وزیراعظم کا سینیٹ الیکشن وقت سے پہلے کرانے کا اعلان

انہوں نے کہا کہ نااہل حکمران ملک کا تحفظ نہیں کر سکتے ہیں۔ عوام حکومت سے چھٹکارا چاہتے ہیں۔ مہنگائی نے ملک کا برا حال کردیا ہے۔

مولانا فضل الرحمان کا کہنا تھا کہ پوری دنیا میں اسکول اور دیگر تعلیمی ادارے کھلے ہیں لیکن پاکستان میں بند ہیں۔ پاکستان میں تعلیم کا بیڑاغرق کردیا گیا ہے۔

رہنما پی ڈی ایم مولانا فضل الرحمان نے کہا کہ کچھ کارڈز ہم نے اپنے پاس رکھے ہیں جو وقت آنے پر کھیلیں گے۔ 26 دسمبر کو بہاولپور میں بہت بڑی ریلی ہوگی۔

دوسری جانب وزیراعظم عمران خان نے کہا ہے کہ حکومت سینیٹ الیکشن وقت سے پہلے کرائے گی۔

پشاور میں صحافیوں سے گفتگو کرتے انہوں نے کہا کہ شو آف ہینڈز کے ذریعے الیکشن کے لیے سپریم کورٹ سے رجوع کر رہے ہیں، اٹارنی جنرل نے معاملے پر تفصیلی بریفنگ دی ہے۔

وزیراعظم عمران خان نے کہا کہ حکومت کے لیے سینیٹ انتخابات میں ہارس ٹریڈنگ آسان ہوتا ہے، ہم نے 20 ایم پی ایز کو پارٹی سے نکالا، ہم شفاف انتخابات پر یقین رکھتے ہیں، ڈائیلاگ کی بات کی تو اپوزیشن نے 34 صفحات کا این آر او مانگ لیا، این آر او کسی صورت نہیں دوں گا۔

عمران خان کا کہنا تھا کہ اپوزیشن کے خلاف کیسز ہماری حکومت میں نہیں بنے، اپوزیشن جن کیسز کا سامنا کر رہی وہ ماضی میں قائم ہوئے، ہماری حکومت کو اپوزیشن سے کوئی خطرہ نہیں۔

انہوں نے کہا کہ پہلے دن بتا دیا تھا یہ سارے چور ڈاکو اکھٹے ہو جائیں گے، آج پی ڈی ایم کے نام پر یہ سارے ایک ہو چکے ہیں، یہ کہتے ہیں ہم نے کب این آر او مانگا، انہوں نے نیب ترامیم کے معاملے پر لکھ کر این آر او مانگا۔

ان کا کہنا تھا کہ اپوزیشن نے جو ترامیم دیں اس کا مطلب نیب کو دفن کرنے کے مترادف تھا، پوری قوم نے دیکھا جب یہ جلسہ کر رہے تھے تو میں کتنا پریشان تھا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
شو آف ہینڈ کے ذریعے سینیٹ الیکشن کرانا خلاف آئین ہے، فضل الرحمان is highly popular post having 1 Twitter shares
Share with your friends
Powered by ESSB

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site