بٹ کوائن کی قیمت تاریخ میں پہلی بار 32 لاکھ روپے سے بڑھ گئی

مشہور کرپٹوکرنسی بٹ کوائن کی قیمت اچانک 4.5 فیصد اضافے کے بعد تاریخ میں پہلی بار 20 ہزار ڈالرز (32 لاکھ روپے) سے اوپر ہو گئی ہے، اس وقت اس کی قیمت 20 ہزار 440 ڈالرز ہو چکی ہے جو پاکستانی روپوں میں 32 لاکھ 80 ہزار روپے بنتے ہیں۔

بڑے سرمایہ کاروں کی نفع کی امید پر بھاری خریداری اور اس کے ادائیگی کا بنیادی ذریعہ بن جانے کی امید کے باعث 2020 میں بٹ کوائن کی قیمت میں 170 فیصد سے زائد کا اضافہ ہوا ہے۔

امریکی سرمایہ کاروں کی بٹ کوائن کی خریداری میں غیرمعمولی دلچسپی کے باعث مشرقی ایشیاء سے شمالی امریکہ کی طرف اس کا بہاؤ بڑھ گیا ہے۔

حالیہ مہینوں میں سونے کی قیمت میں کمی کے ساتھ ساتھ بٹ کوائن کی مانگ میں اضافہ ہوا ہے، سرمایہ کار اس کرپٹوکرنسی میں بہتر سرمایہ کاری اور بڑے نفع کی توقع رکھتے ہیں۔

اس کے علاوہ 34 کروڑ 60 لاکھ صارفین کے زیراستعمال پے پال نے بھی بٹ کوائن کی خریداری کی اجازت دی ہے جس کے بعد اس کی طلب میں بڑا اضافہ دیکھنے میں آیا ہے۔

وال اسٹریٹ میں موجود ماہرین کا خیال ہے کہ 2021 میں بھی یہ رجحان جاری رہے گا اور بٹ کوائن کی قیمت مزید ریکارڈ قائم کرے گی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site