بڑی عید سے قبل بڑی خوشخبری ، سرکاری ملازمین کو جولائی کی تنخواہ 60 فیصد اضافی دینے کا اعلان

لاہور(ویب ڈیسک )سرکاری ملازمین کی بڑی عید سے قبل بڑی موجیں، گریڈ 1 سے 19 کے افسران و ملازمین کو جولائی کی تنخواہ 60 فیصد اضافی ملے گی، 10 فیصد اضافی تنخواہ کیساتھ 50 فیصد جون اور جولائی کا سپیشل الاؤنس دینے کا نوٹیفکیشن بھی جاری کردیا گیا۔پنجاب حکومت نے لاہور سمیت پنجاب بھر کے 7 لاکھ سے زائد گریڈ 1 سے 19 کے ملازمین و افسران کو 25 فیصد سپیشل الاؤنس دینے کا
نوٹیفکیشن جاری کردیا، سپیشل الاؤنس 10 محکموں کے افسران و ملازمین کو نہیں ملے گا جن میں پولیس، عدلیہ، ڈاکٹر، انجینئرز سمیت سول سیکرٹریٹ کے ملازمین شامل ہیں، بڑی عید سے قبل 7 لاکھ سے زائد ملازمین و افسران 60 فیصد تنخواہ اضافی وصول کریں گے، کیونکہ جولائی کی تنخواہ کیساتھ 25فیصد سپیشل الاؤنس اور جون کے مہینے کا 25 فیصد سپیشل الاؤنس الگ سے ملے گا۔دوسری جانب بجٹ میں منظور کی گئی 10 فیصد اضافی تنخواہ بھی اس میں شامل ہوگی، جن ملازمین کو سپیشل الاؤنس نہیں ملے گا ان کی تنخواہ میں صرف 10 فیصد اضافہ ہوگا، محکمہ خزانہ پنجاب نے سپیشل الاؤنس کے اجرا کا باقاعدہ نوٹیفکیشن جاری کردیا۔علاوہ ازیں پنجاب حکومت نے سپیشل الاؤنس کی فہرست سے 10 محکموں کے ملازمین کو نکال دیا،دس اداروں میں کام کرنے والے ملازمین کو اسپیشل الاؤنس نہیں دیا جائے گا ، ذرائع کے مطابق پنجاب جیل خانہ جات ،لاہور ہائیکورٹ اسٹیبلیشمنٹ ،اینٹی کرپشن اسٹیبلشمنٹ اسپیشل الاؤنس کی فہرست سے آؤٹ ہیں،ڈاکٹر ،صوبائی محکموں کے انجینئرز ،پولیس سول سیکرٹریٹ اور جنوبی پنجاب سیکرٹریٹ کے ملازمین بھی آؤٹ کردیئے گئے ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
بڑی عید سے قبل بڑی خوشخبری ، سرکاری ملازمین کو جولائی کی تنخواہ 60 فیصد اضافی دینے کا اعلان is highly popular post having 7 Twitter shares
Share with your friends
Powered by ESSB

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site