اسرائیل میں کورونا وائرس کے شکار افراد کی تعداد میں بڑا اضافہ

 اسرائیل میں گزشتہ روز کورونا وائرس کے 126 نئے کیسز سامنے آنے کے بعد متاثرہ افراد کی تعداد 2495 ہوگئی ہے جن میں سے 41 کی حالت تشویشناک ہے۔

اسرائیل کی وزارت ِ صحت کے مطابق کورونا وائرس سے اب تک پانچ اسرائیلیوں کی ہلاکت ہو چکی ہے جبکہ صحت یاب ہونیوالے افراد کی تعداد 66 ہے۔

وزارت ِ صحت کی جانب سے مزید بتایا گیا ہے کہ گزشتہ 24 گھنٹوں میں پانچ ہزار دو سو 40 افراد کے ٹیسٹ کئے گئے۔

اسرائیلی حکومت کی جانب سے لاک ڈاؤن قوانین کو مزید سخت کرتے ہوئے کہا گیا ہے کہ خلاف ورزی کرنیوالوں کو جرمانہ اور چھ ماہ تک قید ہوسکتی ہے۔

 اسرائیل میں پبلک ٹرانسپورٹ کو محدود کرتے ہوئے کہا گیا ہے کہ ٹیکسی میں ایک وقت میں صرف ایک شخص سفر کر سکے گا اور مسافروں کو پچھلی سیٹ پر بیٹھ کر شیشے کھلے رکھنا ہونگے۔

کورونا وائرس اور مذاہب کا ردعمل

اسپین میں ایک ہی رات میں کورونا وائرس سے ریکارڈ 700 سے زائد ہلاکتیں

جرمنی میں کورونا سے اموات کی شرح دنیا میں سب سے کم کیوں؟ ایک تفصیلی رپورٹ

اسرائیلی میڈیا کا کہنا ہے کہ ملک بھر میں کورونا وائرس کا پھیلاؤ روکنے کے حوالے سے اگلے دو ہفتے اہم ترین ہوں گے۔

وزارت صحت کے ڈائرکٹر جنرل موشر بار نے حکومتی کمیٹی کو بتایا ہے کہ ایک ہفتے کے اندر اسرائیل میں 200 افراد وائرس کے باعث تشویشناک حالت میں ہوں گے، موجودہ اعدادوشمار کے مقابلے میں یہ تعداد چار گنا زیادہ ہو گی۔

ان کا کہنا تھا کہ ایک ہفتے پر محیط یہودیوں کے مذہبی تہوار پاس اوور اور مسلمانوں کے ماہ رمضان سے ہم بہت ڈرے ہوئے ہیں کیونکہ اس دوران لوگ مجمع کی صورت میں اکٹھے ہوتے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site