نیپرا نے ملک میں بجلی بریک ڈاؤن کی رپورٹ جاری کردی

اسلام آباد (نقارخانہ نیوزڈیسک) نیشنل الیکٹرک پاور ریگولیٹری اتھارٹی (نیپرا)نے جنوری میں بجلی کے بریک ڈاؤن پراپنی رپورٹ جاری کردی۔
چیئرمین نیپرا نے 9 جنوری کو ملک بھر میں بجلی بریک ڈاؤن کا سخت نوٹس لیا تھا اور ڈی جی انفورسمنٹ اینڈمانیٹرنگ کی سربراہی میں 3 رکنی انکوائری کمیٹی بنائی تھی جس میں دو ممبران نجے شعبے سے لیے گئے تھے۔
بجلی کے ملک گیر بریک ڈاؤن کی وجوہات تاحال معلوم نہ ہوسکیں
اس حوالے سے نیپرا کی رپورٹ میں بتایاگیا ہےکہ جنوری میں بجلی بریک ڈاؤن گڈو پاورپلانٹ میں خرابی کے باعث آیا اور یہ فالٹ گڈوپاورپلانٹ میں 220کے وی کے سرکٹ بریکرز کو بند کرنے کے دوران آیا۔
رپورٹ میں مزید بتایا گیا ہےکہ گڈو پاور پلانٹ میں آنے والا فالٹ 220 اور 500کے وی کے ترسیلی نظام تک پھیل گیا۔
واضح رہےکہ 9 جنوری کو ملک بھر میں بجلی کے بریک ڈاؤن پر اپوزیشن نے حکومت کو شدید تنقید کا نشانہ بنایا تھا اور حکومت نے اس کا ذمہ دار گزشتہ حکومت کو قرار دیا جب کہ وفاقی وزیر توانائی پہلے ہی اس فالٹ کے بارے میں بتا چکے ہیں۔