ٹویٹر اکاؤنٹ سے نازیبا ویڈیو لائیک ہونے پر وقار یونس کا سوشل میڈیا سے کنارہ کشی کا اعلان

پاکستان کرکٹ ٹیم کے بالنگ کوچ اور سابق فاسٹ بالر وقار یونس نے اپنے ذاتی ٹوئٹر اکاؤنٹ کے ہیک ہونے اور اس سے ایک نازیبا ویڈیو لائیک ہونے پر سوشل میڈیا سے کنارہ کشی کا اعلان کر دیا۔

ٹویٹر پر اپنے ویڈیو پیغام میں ان کا کہنا تھا کہ جب وہ صبح کو اٹھے تو کسی نے ان کا اکاؤنٹ ہیک کر کے اس سے ایک انتہائی نازیبا اور بیہودہ ویڈیو کو لائیک کیا ہوا تھا۔

انہوں نے کہا کہ یہ خود میرے اور میرے اہلخانہ کے لیے بہت افسوسناک اور بہت شرمساری کی بات تھی۔

ٹویٹر نے اپنے ملازمین کو تاحیات گھر سے کام کرنے کی اجازت دے دی

صدر ٹرمپ نے سوشل میڈیا کمپنیوں کو بند کر دینے کی دھمکی کیوں دی؟

وقار یونس نے اپنی ویڈیو میں کہا کہ سوشل میڈیا یا ٹوئٹر اپنی جان پہچان کے لوگوں سے رابطے کا ذریعہ ہے لیکن کسی شخص نے یہ کام کر دیا۔

ان کا کہنا تھا کہ پہلے بھی ان کے ساتھ ایسا کچھ ہو چکا ہے اس لیے انہوں نے فیصلہ کیا ہے کہ وہ سوشل میڈیا کو خیرباد کہہ دیں گے کیونکہ انہیں اپنے گھر والے بہت عزیز ہیں۔

انہوں نے اپنے الوداعی پیغام میں کہا کہ آپ لوگ آئندہ مجھے سوشل میڈیا پر نہیں دیکھیں گے، ان کا کہنا تھا کہ اگر کسی کو ان کی ذات سے تکلیف پہنچی ہو تو وہ معذرت خواہ ہیں۔

گزشتہ دنوں وقار یونس کا نام ٹوئٹر کے ٹاپ ٹرینڈ میں بھی شامل ہوا تھا اور اس کی وجہ ایک نازیبا ویڈیو کو ان کے اکاؤنٹ سے لائیک کرنا تھا۔

اس موقع پر کئی صارفین نے میمز کا سہارا لیا اور ان کے اکاؤنٹ کے لائیک سیکشن کے حوالے سے بہت سی میمز سامنے آ گئیں۔

ٹوئٹر پر اس وقت ان کے 17 لاکھ سے زائد فالورز ہیں جبکہ وہ خود 106 افراد کو فالو کر رہے ہیں۔

اس سے قبل بھی کئی مشہور افراد کے اکاؤنٹ ہیک ہو چکے ہیں، گزشتہ برس اگست میں خود ٹویٹر کے سی ای او جیک ڈورسی کا اکاؤنٹ بھی ہیک ہو گیا تھا۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site
ٹویٹر اکاؤنٹ سے نازیبا ویڈیو لائیک ہونے پر وقار یونس کا سوشل میڈیا سے کنارہ کشی کا اعلان is highly popular post having 1 Twitter shares
Share with your friends
Powered by ESSB