ماہرہ خان کس شخص کی محبت میں مبتلا ہیں؟ آخر کار خود بتا دیا

معروف اداکارہ ماہرہ خان محبت، منگنی اور شادی کے حوالے سے خبریں مسلسل آتی رہی ہیں لیکن وہ ان کی تردید کرتی رہی ہیں۔

مئی 2019 میں یہ خبر بہت پھیلی تھی کہ ترکی میں انہوں نے ایک تقریب میں اپنے ایک قریبی دوست کے ساتھ منگنی کر لی ہے تاہم انہوں نے ان خبروں کو مسترد کرتے ہوئے بتایا تھا کہ ان کی منگنی نہیں ہوئی۔

رواں برس اپریل میں انہوں نے ایک انٹرویو میں اعتراف کیا تھا کہ انہیں ایک شخص سے محبت ہو گئی ہے تاہم اس کا نام بتانے سے انہوں نے گریز کیا تھا۔

اس انٹرویو میں انہوں نے بس اتنی وضاحت کی تھی کہ جس سے انہیں محبت ہے اس کا شوبز سے تعلق نہیں ہے۔

اب پہلی بار ماہرہ خان نے اس شخص کا نام بتا دیا ہے جس سے وہ محبت کرتی ہیں، ایک انٹریو میں انہوں نے کہا ہے کہ وہ سلیم کریم نام کے ایک شخص کی محبت میں مبتلا ہیں اور مستقبل میں انہی سے ہی شادی کر لیں گی۔

معروف فیشن ڈیزائنر حسن شہریار یاسین کو انسٹاگرام پر انٹرویو دیتے ہوئے انہوں نے اپنی محبت کا بتایا، حسن شہریار نے جب یہ کہا کہ انہیں علم ہے کہ ماہرہ خان سلیم سے محبت کرتی ہیں تو وہ شرما کر ہنسنے لگیں۔

میزبان نے نام لینے پر معذرت کی لیکن ساتھ ہی یہ سوال بھی جڑ دیا کہ وہ جب سلیم کو دیکھتی ہیں تو ان کے دل میں کیا خیال آتا ہے، اس پر ماہرہ خان نے کہا کہ انہیں دیکھ کر خیال آتا ہے کہ وہ کسی نیکی کے بدلے انہیں ملے ہوں گے۔

شادی کے متعلق سوال پر انہوں نے کہا کہ وہ فوری طور پر ایسا ارادہ نہیں رکھتیں تاہم مستقبل میں وہ شادی کر لیں گی۔

انہوں نے اپنی محبت کا اعتراف بھی کر لیا اور اپنے محبوب کا نام بھی بتا دیا تاہم اس حوالے سے مزید وضاحت نہیں کی۔

یہ بات واضح ہے کہ 2019 میں جس شخص کے ساتھ ان کی منگنی کی افواہیں پھیلی تھیں وہ بھی یہی سلیم کریم ہی تھے جن کے ساتھ انہوں نے محبت کا اعتراف کیا ہے۔

یہ خبر بھارتی اخبار انڈیا ٹوڈے نے دی تھی جس میں کہا تھا کہ ماہرہ خان نے ترکی میں منگنی کر لی ہے۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site
ماہرہ خان کس شخص کی محبت میں مبتلا ہیں؟ آخر کار خود بتا دیا is highly popular post having 2 Twitter shares
Share with your friends
Powered by ESSB