سشانت سنگھ کے 50 خواب، اداکار کی ہاتھ سے لکھی تحریر سامنے آ گئی

بالی وڈ کے نوجوان اداکار سشانت سنگھ راجپوت کی خودکشی نے فلم انڈسٹری میں اداسی پھیلا دی ہے اور ان کے مداح مسلسل دکھ کا اظہار کر رہے ہیں۔

اس دوران ان کا ایک پرانا نوٹ سامنے آیا ہے جس میں انہوں نے اپنے ان 50 خوابوں کا ذکر کیا ہے جنہیں وہ پورا کرنا چاہتے تھے۔

ہاتھ سے لکھے گئے اس نوٹ نے ان کے مداحوں کو جنجھوڑ کر رکھ دیا ہے اور سشانت سنگھ کی خودکشی کے باعث پھیلی دکھ کی فضا مزید وسیع ہو گئی ہے۔

نوجوان اداکار نے ستمبر 2019 میں کچھ تصاویر شیئر کی تھیں جن کے ساتھ ساتھ انہوں نے ہوائی جہاز چلانا، 100 بچوں کو ناسا کی ورکشاپ میں بھجوانا، ریل گاڑی کے ذریعے یورپ کا سفر کرنا، بائیں ہاتھ سے کرکٹ میچ کھیلنا، مزید کوڈ سیکھنا اور اس قسم کی 50 خواہشوں کا تذکرہ کیا تھا جو اپنی زندگی میں وہ پوری کرنا چاہتے تھے۔

پی کے فلم کی ٹیم نے ان کی موت پر ایک پیغام ریلیز کیا ہے جس میں انہوں نے کہا ہے کہ یہ تصور ہمارے لیے بہت تکلیف دہ ہے کہ سشانت سنگھ راجپوت اب ہمارے درمیان نہیں رہے، ہم ان کے مداحوں سے درخواست کرتے ہیں کہ وہ انہیں اپنی یادوں میں زندہ رکھیں اور ان کی زندگی اور ان کے کام کو اسی طرح سیلیریٹ کریں جس طرح وہ اب تک کرتے آئے ہیں۔

انہوں نے اپنے پیغام میں مزید کہا کہ ہم میڈیا سے درخواست کرتے ہیں کہ وہ دکھ کی اس گھڑی میں پرائیویسی قائم رکھنے میں ہماری مدد کرے۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site
سشانت سنگھ کے 50 خواب، اداکار کی ہاتھ سے لکھی تحریر سامنے آ گئی is highly popular post having 4 Twitter shares
Share with your friends
Powered by ESSB