سونو نگم نے بھارت کی میوزک انڈسٹری میں جلد خودکشی کا امکان ظاہر کیوں کیا؟

سونو نگم نے بھارت کی میوزک انڈسٹری میں جلد ایک خودکشی کا امکان ظاہر کیوں کیا؟

معروف اداکار سشانت سنگھ کی خودکشی نے بالی وڈ کو ہلا کر رکھ دیا ہے اور انڈسٹری سے جڑے بہت سے لوگ اندر کی کہانیاں سنا رہے ہیں جو سنگدلی، اقرباپروری اور طاقت کے کھیل کی عکاسی کرتی ہیں۔

معروف گلوکار سونو نگم بھی اس فہرست میں شامل ہو گئے ہیں، اپنے انسٹاگرام اکاؤنٹ میں انہوں نے ایک ویڈیو پیغام پوسٹ کیا ہے جس میں انہوں نے کہا ہے کہ بالی وڈ کی میوزک انڈسٹری میں بھی طاقت کا بے رحم کھیل کھیلا جاتا ہے۔

بالی وڈ اداکارہ کنگنا رناوت نے سشانت سنگھ کی خودکشی کی وجہ بتا دی

سشانت سنگھ کے 50 خواب، اداکار کی ہاتھ سے لکھی تحریر سامنے آ گئی

ان کا کہنا تھا کہ بھارت کی میوزک انڈسٹری کو دو بڑے مافیا کنٹرول کر رہے ہیں، انہوں نے ان کا نام نہیں بتایا۔

تاہم ان کی ویڈیو کے عنوان نے کھلبلی مچا دی ہے جس میں لکھا ہے کہ ہو سکتا ہے آپ کو جلد میوزک انڈسٹری سے بھی خودکشیوں کی خبریں سننے کو ملیں۔

سونونگم نے کہا کہ بدقسمتی سے فلموں سے زیادہ میوزک انڈسٹری میں بڑے مافیا موجود ہیں، ان کی طاقت دو ایسے مافیاز کے ہاتھ میں ہے جن کی اپنی کمپنیاں ہیں۔

انہوں نے نام بتائے بغیر کہا کہ وہ بھی بالی وڈ کے ایک اداکار کے طاقت کے کھیل کا شکار رہ چکے ہیں۔

ان کا کہنا تھا کہ سشانت سنگھ کے بعد آپ ایک گلوکار یا کمپوزر یا پھر ایک نغمہ نگار کے متعلق بھی ایسی خبر سنیں، انہوں نے کہا کہ نغمہ نگار کو اپنے کام کا بہت واجبی سا معاوضہ ملتا ہے۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site