کرکٹر محمد حفیظ کا کورونا ٹیسٹ پہلے مثبت اور پھر منفی

پاکستان کے آل راؤنڈر محمد حفیظ نے کورونا کا دوسرا ٹیسٹ کرایا ہے جو منفی آیا ہے، اس سے قبل برطانیہ کے دورے پر روانہ ہونے سے پہلے پاکستان کرکٹ بورڈ نے ان کا ٹیسٹ کرایا تھا جو مثبت آیا تھا۔

اپنے ایک ٹویٹ میں انہوں نے بتایا کہ پی سی بی کی جانب سے کرائے گئے کورونا ٹیسٹ کا نتیجہ مثبت آنے کے بعد میں نے اپنی تسلی اور دوسری رائے کے لیے ایک بار پھر ٹیسٹ کرایا ہے جو منفی آیا ہے۔

جاوید میانداد کو ٹیم سے نکالنے کے پیچھے عمران خان کا ہاتھ تھا، سابق کرکٹر باسط علی کا انکشاف

پاک بھارت کرکٹرز کی دوستیاں اور دشمنیاں، شاہد آفریدی کی زبانی

انہوں نے مزید کہا کہ ان کی تمام فیملی کا ٹیسٹ بھی منفی آیا ہے، اللہ پاک ہم سب کو محفوظ رکھے۔

پاکستان کی ٹیم برطانیہ میں تین ٹیسٹ اور تین ٹی ٹوئنٹی میچ کھیلے گی، انہوں نے رواں ماہ روانہ ہونا تھا لیکن 10 کھلاڑیوں کا کورونا ٹیسٹ مثبت آنے کے بعد انہیں قرنطینہ کر دیا گیا ہے، پہلا ٹیسٹ 30 جولائی کو شروع ہونا ہے۔

اس سے قبل پاکستان کرکٹ بورڈ نے اسکواڈ کا کورونا ٹیسٹ کرایا تھا جس کے نتائج کے مطابق 10 کھلاڑی وائرس سے متاثر نکلے، ان میں فخر زمان، محمد رضوان، وہاب ریاض، عمران خان، محمد حفیظ، محمد حسنین اور کاشف بھٹی شامل تھے۔

ان سے قبل شاداب خان، حارث رؤف اور حیدر علی کا کورونا ٹیسٹ بھی مثبت آ چکا تھا، کھلاڑیوں کے ساتھ کام کرنے والے ایک شخص ملنگ علی بھی کورونا کا شکار نکلے۔

کورونا سے متاثرہ ان تمام کھلاڑیوں میں کسی قسم کی علامات نہیں پائی گئیں، پی سی بی کے چیف ایگزیکٹو وسیم خان نے کہا کہ ٹیسٹ کے حالیہ مثبت نتائج یہ ظاہر کرتے ہیں کہ یہ وائرس کسقدر خطرناک ہے۔

جن کھلاڑیوں کے کورونا ٹیسٹ منفی آئے ان میں عابد علی، اسد شفیق، اظہر علی، بابر اعظم، فہیم اشرف، فواد عالم، افتخار احمد، امام الحق، خوشدل شاہ، محمد عباس، نسیم شاہ، سرفراز احمد، شاہین آفریدی، شان مسعود، سہیل خان اور یاسر شاہ شامل ہیں۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site