کراچی اسٹاک ایکسچینج پر حملہ، تمام دہشت گرد مارے گئے

کراچی اسٹاک ایکسیچینج پر 4 دہشتگردوں کے حملے میں ایک پولیس اہلکار سمیت 6 افراد شہید ہو گئے ہیں، فورسز کی جوابی کارروائی میں چاروں دہشت گرد ہلاک ہو گئے ہیں۔

اب تک کی اطلاعات کے مطابق صبح 10 بجے کے قریب 4 دہشت گردوں نے حملہ کیا، انہوں نے گیٹ پر دستی بم پھینکے اور اندھا دھند فائرنگ شروع کر دی۔

پولیس اور رینجرز نے فور طور پر پہنچ کر آپریشن کا آغاز کر دیا اور چاروں دہشتگردوں کو ہلاک کر دیا، حملے میں ایک پولیس سب انسپکٹر سمیت 4 سیکیورٹی گارڈ اور ایک شہری شہید ہو گئے جبکہ 7 افراد زخمی ہیں۔

کورونا کے باعث اسٹآک مارکیٹ میں زیادہ رش نہیں تھا جس کی وجہ سے زیادہ جانی نقصان نہیں ہوا، اس دوران ٹریڈنگ مسلسل جاری رہی۔

قانون نافذ کرنے والے اداروں نے اسٹآک مارکیٹ کو خالی کرا لیا ہے اور سرچ آپریشن شروع کر دیا ہے۔

ایک پولیس اہلکار کا کہنا ہے کہ حملہ آوروں کی لاشوں میں سے کھانے پینے کی اشیا بھی برآمد ہوئی ہیں جس سے اندازہ ہوتا ہے کہ ان کا دیر تک محاصرہ کرنے کا ارادہ تھا۔

 پاکستان اسٹاک ایکسچینج کے منیجنگ ڈائریکٹر فرخ خان نے بتایا کہ دہشت گردوں کو عمارت کے اندر داخل ہونے سے روک دیا گیا، ان میں سے کوئی بھی ٹریڈنگ ہال تک نہیں پہنچ سکا اور شیئرز کی خریدوفروخت کا عمل جاری رہا۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site