ن لیگ کے 6 ارکان اسمبلی کی وزیراعلیٰ پنجاب سے ملاقات پر چہ میگوئیاں شروع

پاکستان مسلم لیگ (ن) کے 6 ارکان پنجاب اسمبلی نے وزیراعلیٰ عثمان بزدار سے ملاقات کی ہے، پاکستان پیپلزپارٹی کے ایک رکن بھی ان سے ملنے پہنچ گئے۔

مسلم لیگ ن کی رہنما عظمیٰ بخاری نے تصدیق کی ہے کہ یہ ارکان اسمبلی اجازت لیے بغیر وزیراعلیٰ پنجاب سے ملاقات کے لیے گئے ہیں۔

انہوں نے کہا کہ پاکستان پیپلزپارٹی کا ایک رکن صوبائی اسمبلی بھی عثمان بزدار سے ملاقات کرنے والوں میں شامل ہے، ہم نے ان ارکان کے خلاف کارروائی کے لیے قیادت کو سفارش کر دی ہے۔

وزیراعلیٰ پنجاب سے ملاقات میں شامل افراد میں محمد فیصل خان نیازی، غیاث الدین، اظہر عباس، جلیل احمد شرقپوری، چوہدری اشرف علی انصاری اور نشاط احمد ڈاہا شامل ہیں۔

اسی طرح پنجاب اسمبلی سے پیپلزپارٹی کے رکن اسمبلی غضنفر علی نے بھی وزیراعلیٰ عثمان بزدار سے ملاقات کی ہے۔

ان ملاقاتوں کو سیاسی حلقوں میں بہت اہمیت دی جا رہی ہے اور اس حوالے سے چہ میگوئیوں کا سلسلہ شروع ہو گیا ہے۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site