‏نواز شریف کو سزا سنانے والے جج ارشد ملک ملازمت سے برطرف

ویڈیو اسکینڈل میں ملوث احتساب عدالت کے جج ارشد ملک کو نوکری سے برطرف کر دیا گیا ہے۔

لاہور ہائی کورٹ کے چیف جسٹس کی سربراہی میں ہونے والے انتظامی کمیٹی کا اجلاس ہوا جس میں جسٹس محمد امیر بھٹی، جسٹس شہزادہ احمد خان، جسٹس عائشہ ملک، جسٹس شاہد وحید اور جسٹس علی باقر نجفی سمیت 7 سینئر جج صاحبان نے شرکت کی۔

انتظامی کمیٹی نے اپنا فیصلہ سناتے ہوئے احتساب عدالت کے سابق جج ارشد ملک کو ملازمت سے برطرف کردیا۔

یاد رہے کہ ارشد ملک نے احتساب عدالت کے جج کے طور پر 4 دسمبر 2018 کو العزیزیہ ریفرنس میں نوازشریف کو 7 سال قید کی سزا سنائی تھی اور فلیگ شپ ریفرنس میں بری کیا تھا۔

بعد ازاں ان کا ایک ویڈیو اسکینڈل سامنے آیا تھا جس کے بعد مسلم لیگ ن نے یہ الزام عائد کیا تھا کہ ارشد ملک نے دباؤ میں آ کر یہ سزا سنائی۔ انہوں نے اس الزام کی تردید کی تھی۔

اس ویڈیو کے سامنے آنے کے بعد سپریم کورٹ نے معاملے کا نوٹس لیا تھا اور ارشد ملک کو او ایس ڈی بنا دیا تھا۔

ان کی یہ ویڈیو مریم نواز شریف نے ایک پریس کانفرنس میں دکھائی تھی۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site
‏نواز شریف کو سزا سنانے والے جج ارشد ملک ملازمت سے برطرف is highly popular post having 2 Twitter shares
Share with your friends
Powered by ESSB