گرانٹ فلاور نے اپنے تبصرے پر یونس خان سے معافی مانگ لی

پاکستان کے سابق کوچ گرانٹ فلاور نے یونس خان کے متعلق اپنے متنازعہ ریمارکس پر ان سے معافی مانگ لی ہے۔

مقامی میڈیا کے  مطابق انہوں نے کہا کہ میں اپنے تبصرے پر یونس خان سے معافی چاہتا ہوں، میں نے ایک سوال کے جواب میں یہ بات اس وقت کہی تھی جب انٹرویو ختم ہو چکا تھا۔

گرانٹ فلاور نے کہا کہ انہیں اندازہ نہیں تھا کہ میڈیا میں اس بات کو اسقدر اچھالا جائے گا۔

یاد رہے کہ سابق کوچ نے کہا تھا کہ دورہ آسٹریلیا کے دوران جب میں نے یونس خان کو بلے بازی کے متعلق مشورہ دیا تو انہوں نے میرے گلے پر چاقو رکھ دیا تھا۔

یونس خان اس وقت پاکستان کے بیٹنگ کوچ ہیں، گرانٹ فلاور کے الزام پر میڈیا میں بہت شور مچ گیا تھا جس کے بعد انہیں معافی مانگنا پڑی ہے۔

49 سالہ گرانٹ فلاور نے اپنے انٹرویو میں کہا تھا کہ یونس خان ایک شاندار بلے باز ہیں تاہم برسبین میں ہونے والے ایک ٹیسٹ کے دوران ناشتے کے وقت میں نے انہیں بیٹنگ کے متعلق مشورہ دینے کی کوشش کی تھی۔

انہوں نے کہا کہ یونس خان نے میری بات کا برا منایا اور میرے گلے پر چاقو رکھ دیا جس کے بعد ساتھ بیٹھے مکی آرتھر نے مداخلت کی۔

انہوں نے کہا کہ ایسی باتیں کوچنگ کے دوران ہوتی رہتی ہیں، پاکستان کے ساتھ بہت اچھا وقت گزرا تھا۔

فلاور نے 2014 سے لے کر 2019 تک پاکستانی ٹیم کے بیٹنگ کوچ کی حیثیت سے اپنے فرائض سرانجام دیے تھے۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site