ٹی 20 ورلڈ کپ ملتوی کرنے کا فیصلہ، آئی پی ایل کے انعقاد کی راہ ہموار

انٹرنیشنل کرکٹ کونسل (آئی سی سی) کی اگلے جمعہ کو ہونے والی میٹنگ میں اکتوبر 2020 میں آسٹریلیا میں منعقد ہونے والے T20 ورلڈ کپ کو باقاعدہ طور پر منسوخ کرنے کا اعلان کرنے جا رہی ہے۔

جمعہ کو ہونے والے اجلاس میں شاید یہ فیصلہ نہ ہو سکے کہ کرکٹ کے عالمی کپ کو کتنا عرصہ آگے لے جایا جانا چاہیئے، اگرچہ آسٹریلیا اکتوبر 2021 میں اس کی میزبانی کرنا چاہتا ہے تاہم اس بات کا امکان موجود ہے کہ ورلڈ کپ دو سال آگے چلا جائے۔

اس فیصلے سے بھارتی کرکٹ بورڈ کیلئے رواں سال انڈین پریمیئر لیگ 2020 کی میزبانی کا راستہ مزید ہموار ہو سکتا ہے۔

معروف صحافی بین ہارن کی رپورٹ میں دعویٰ کیا گیا ہے کہ انڈیا میں کوڈ 19 کی بگڑتی ہوئی صورتحال کی وجہ سے اربوں مالیت کی آئی پی ایل لیگ یو اے ای یا سری لنکا میں بہتر طور پر منعقد ہو سکتی ہے۔

رپورٹ میں کہا گیا ہے کہ آسٹریلیا وسط ستمبر میں محدود مدت کے لیے برطانیہ کا دورہ کر سکتا ہے۔

آئی سی سی ٹی 20 ورلڈ کپ کے حوالے سے جو مرضی فیصلہ کرے، بھارتی کرکٹ بورڈ اپنی پوری توجہ آئی پی ایل 2020 کے انعقاد پر مرکوز کیے ہوئے ہیں۔

واضح رہے کہ آئی پی ایل 2020 رواں برس مارچ میں شروع ہونا تھا جو کہ کورونا وائرس کے باعث ملتوی کر دیا گیا۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site