سانس لینے میں دشواری، کورونا سے متاثرہ ایشوریا رائے اسپتال منتقل

بالی وڈ اسٹار اور ماضی کی حسینہ عالم ایشوریا رائے کو ان کی 8 سالہ بیٹی سمیت ممبئی کے اسپتال میں منتقل کر دیا گیا ہے، وہ گزشتہ ایک ہفتے سے گھر میں آئسولیشن میں تھیں۔

ایک ہفتہ قبل امیتابھ بچن، ابھیشیک بچن، ایشوریا رائے اور ان کی صاحبزادی کا کورونا ٹیسٹ مثبت آیا تھا جس کے بعد باپ اور بیٹے کو ممبئی کے ایک اسپتال میں منتقل کر دیا گیا تھا جبکہ ایشوریا اور ان کی بیٹی نے خود کو گھر پر الگ تھلگ کر دیا گیا تھا۔

ٹائمز آف انڈیا کے مطابق گزشتہ رات سانس لینے میں دشواری کے باعث انہیں بھی ناناوتی اسپتال منتقل کر دیا گیا ہے جہاں امیتابھ بچن اور ابھیشیک بھچن کا علاج ہو رہا ہے۔

اسپتال کے ایک ذریعے نے پریس ٹرسٹ آف انڈیا کو بتایا کہ ان تمام افراد کو کوئی خطرہ نہیں ہے اور وہ خیریت سے ہیں۔

یاد رہے کہ امیتابھ بچن اور ان کے صاحبزادے ابھیشیک بچن کو کورونا کی معمولی علامات تھیں تاہم احتیاط کے طور پر انہیں اسپتال منتقل کر دیا گیا تھا۔

اس دوران امیتابھ بچن ٹویٹر پر متحرک رہے ہیں، انہوں نے جمعہ کو ایک ٹویٹ میں کہا کہ خوشی اور بیماری، دونوں میں ہمارے قریبی لوگوں، احباب اور مداحوں نے ہمیشہ فراخ دلی سے محبت دی ہے۔

بھارت اس وقت کورونا مریضوں کی تعداد کے لحاظ سے دنیا میں تیسرے نمبر پر آ چکا ہے، 10 لاکھ سے زائد مریضوں اور 26000 اموات نے ملک بھر میں تشویش کی لہر دوڑا دی ہے۔

عالمی ادارے بھی بھارت کے متعلق خطرناک پیش گوئیاں کر رہے ہیں اور خدشہ ہے کہ اگلے چند ماہ میں یہ ملک کورونا وبا کا نیا مرکز نہ بن جائے۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site