نیوزی لینڈ کی وزیراعظم ٹک ٹاک پر پہنچ گئیں، ویڈیو وائرل ہو گئی

نیوزی لینڈ کی وزیراعظم جسینڈا آرڈرن کی ٹک ٹاک ویڈیو سوشل میڈیا پر وائرل ہو گئی ہے۔

ملک کی ٹک ٹاک اسٹار بریس ویل نے ایک ویڈیو اپ لوڈ کی جس میں جسینڈا آرڈرن اچانک پہنچ جاتی ہیں۔

بریس ویل ایک کامیڈین ہیں جو نیوزی لینڈ کی وزیراعظم سے اپنی مشابہت کے باعث مقبول ہیں اور وہ ان کا اکثر نقل بھی اتارا کرتی ہیں۔

بریس ویل نے اپنی ٹک ٹاک ویڈیو میں خود کو وزیراعظم نیوزی لینڈ کے طور پر متعارف کرایا اور کہا کہ مجھے کبھی کبھار سیلفی لینا اچھا لگتا ہے۔

اسی دورن ویڈیو میں حقیقی جسینڈا آرڈرن آ جاتی ہیں، بریس ویل ان کے گلے میں ہاتھ ڈال کر ان کا نام پوچھتی ہیں اور وہ کہتی ہیں جسینڈا۔

اس کے بعد دونوں خواتین قہقہے لگاتی ہیں، یہ پہلی مرتبہ ہوا ہے کہ جسینڈا آرڈرن کسی ٹک ٹاک ویڈیو میں آئی ہوں۔

نیوزی لینڈ کی وزیراعظم نہ صرف اپنے ملک میں مقبول ہیں بلکہ ان کی شہرت باقی دنیا میں بھی کم نہیں ہے۔

کورونا وبا کو بہت تیزی سے ختم کرنے کے حوالے سے انہیں ایک رول ماڈل کے طور پر دیکھا جاتا ہے، تاہم اس سے قبل بھی وہ اپنے کئی اقدامات کے باعث عالمی سطح پر مقبولیت حاصل کر چکی ہیں۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site