مالی سال 2020 میں جاری کھاتوں کے خسارے میں 78 فیصد کمی، اسٹیٹ بینک

اسٹیٹ بینک آف پاکستان نے کہا ہے کہ مالی سال 2020 میں جاری کھاتوں کے خسارے میں 78 فیصد کی نمایاں کمی ہوئی ہے۔

مرکزی بینک کے مطابق مالی سال 2020 میں کرنٹ اکاؤٹ خسارہ 2 ارب 66 کروڑ ڈالر رہا جو جی ڈی پی کا 1.1 فیصد بنتا ہے۔

بینک کے اعلامیے میں بتایا گیا ہے کہ مالی سال 2019 کے اختتام پر کرنٹ اکاؤنٹ خسارہ 13 ارب 43 کروڑ ڈالر تھا جو کہ جی ڈی پی کا 4.8 فیصد تھا۔

مزید تفصیلات کے مطابق مالی سال 2020 کے اختتام تک 22 ارب 50 کروڑ ڈالر کی برآمدات اور 42 ارب 41 کروڑ ڈالر کی درآمدات ریکارڈ کی گئیں۔

مالی سال 2019 کے اختتام پر 24.25 ارب ڈالر کی برآمدات اور 51.86 ارب ڈالر کی درآمدات کی گئیں تھیں۔

اسٹیٹ بینک کے اعداد و شمار کے مطابق مالی سال 2020 کے اختتام پر ترسیلات زر 23 ارب 12 کروڑ ڈالر ریکارڈ کی گئیں۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site