کورونا وبا، بھارت میں ماسک نہ پہننے پر بکری گرفتار

بھارت میں کانپور پولیس نے ایک بکری کو ماسک کے بغیر آوارہ گردی کرتے ہوئے گرفتار کر کے تھانے میں بند کر دیا۔

تفصیلات کے مطابق کانپور میں بیکان گنج پولیس نے سڑک پر گھومتی ایک بکری کو جیپ میں ڈالا اور اسے تھانے لے گئے، بکری کے مالک کو پتا چلا تو وہ بھی پولیس اسٹیشن پہنچ گیا۔

مالک کی بار بار درخواستوں کے بعد پولیس نے بکری اسے واپس کر دی مگر ساتھ ہی تنبیہ بھی کی کہ وہ اسے آوارہ گردی کرنے دے اور باندھ کر رکھے۔

تاہم سرکل افسر انوارگنج پولیس اسٹیشن سیف الدین بیگ کا کہنا تھا کہ بکری کے ساتھ ایک نوجوان بھی تھا جس نے ماسک نہیں لگایا ہوا تھا۔

خلیج ٹائمز کے مطابق انہوں نے بتایا کہ نوجوان نے جب پولیس کو آتے دیکھا تو وہ بکری کو چھوڑ کر بھاگ گیا اور پولیس جانور کو تھانے لے آئی جسے بعد ازاں اس کے مالک کے حوالے کر دیا گیا۔

ایک پولیس اہلکار نے اعتراف کیا کہ انہوں نے لاک ڈاؤن کی خلاف ورزی پر بکری کو گرفتار کیا تھا کیونکہ اس نے ماسک نہیں پہنا ہوا تھا۔

انہوں نے کہا کہ اگر لوگ اپنے کتوں کو بھی ماسک پہنا رہے ہیں تو بکری کو کیوں نہیں پہنا سکتے؟

بظاہر یوں لگتا ہے کہ سوشل میڈیا پر مذاق اڑائے جانے کے بعد پولیس نے اپنا موقر بدل دیا ہے۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site