سشانت سنگھ کے والد نے بیٹے کی گرل فرینڈ پر مقدمہ دائر کر دیا

خودکشی کرنے والے بالی وڈ اداکار سشانت سنگھ کے والد نے بیٹے کی گرل فرینڈ ریا چکربورتی اور پانچ دیگر افراد پر مقدمہ کر دیا ہے جس میں ان پر سنگین الزامات عائد کیے گئے ہیں۔

سشانت سنگھ کے 50 خواب، اداکار کی ہاتھ سے لکھی تحریر سامنے آ گئی

کے کے سنگھ نے اپنی ایف آئی آر میں کہا ہے کہ میرا بیٹا مئی 2019 میں اپنے کیرئیر کے عروج پر تھا جب ریا چکروتی اور ان کے رشتہ داروں نے ایک سازش کے تحت اس کے ساتھ تعلق جوڑا۔

انہوں نے الزام لگایا کہ ریا چکروتی کا مقصد فلم انڈسٹری میں جگہ بنانا تھا اور ان کی نگاہ سشانت سنگھ کی دولت پر بھی تھی، انہوں نے میرے بیٹے کو ایک آسیب زدہ مکان کرائے پر لینے پہ مجبور کیا، اس مکان کا سشانت پر اثر ہوا۔

ایف آئی ار میں مزید لکھا ہے کہ سشانت سنگھ کے بینک اکاؤنٹ سے لاکھوں روپے دیگر اکاؤنٹس میں منتقل کیے گئے، ریا چکر بورتی نے سشانت سنگھ کی خودکشی سے چند روز قبل ان کا کریڈٹ کارڈ، سونا اور لیپ ٹاپ چرا لیا۔

کے کے سنگھ نے الزام عائد کیا ہے ریا چکر بورتی نے یورپ کے دورے کے لیے سشانت کا کریڈٹ کارڈ استعمال کیا۔

کے کے سنگھ ایک ریٹائرڈ انجینئر ہیں جو راجیو نگر پٹنہ میں رہتے ہیں، انہوں نے ایف آئی آر انڈین پینل کوڈ کی دفعات 306 (خود کشی میں معاونت)، 341 (غلط پابندی)، 342 (غیرقانونی نظربندی)، 380 (گھر سے چوری)، 406 (اعتماد کا مجرمانہ خون) اور 420 (دھوکہ دہی) شامل کی ہیں۔

ایف آئی آر کے مطابق سشانت نے اپنی بہن کو فون کیا اور بتایا کہ ریا چکربورتی نے اسے دھمکی دی ہے کہ وہ میڈیا کو ان کی ڈیپریشن سے متعلق رپورٹس میڈیا کو دے کر انہیں پاگل ثابت کر دیں گی۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site