ہواوے دنیا میں پہلے نمبر پر، سام سنگ، ایپل کو پیچھے چھوڑ دیا

ہواوے نے سیل فون کی فروخت میں سام سنگ کو پیچھے چھوڑ دیا ہے اور 2020 کی دوسری سہ ماہی میں دنیا میں پہلے نمبر پر آ گیا ہے۔

فرم کینالس کے مطابق ہواوے نے 5 کروڑ 58 لاکھ سیل فون فروخت کیے ہیں جبکہ سام سنگ اس سہ ماہی میں 5 کروڑ 37 لاکھ فون فروخت کر سکا ہے۔

ہواوے کے سیل فونز کی بیرون ملک فروخت 27 فیصد کم ہوئی ہے لیکن چینی مارکیٹ میں اس کی مقبولیت میں مزید اضافہ ہوا ہے، کورونا وائرس سے نجات حاصل کرنے کے بعد چینی معیشت پھر سے ابھر رہی ہے، اس مارکیٹ میں فروخت ہونے والے سیل فونز کا 70 فیصد حصہ ہواوے کے پاس ہے۔

ہواوے نے اپنے ایک بیان میں کہا ہے کہ پابندیوں کے باوجود دنیا میں پہلے نمبر پر آنا غیرمعمولی کارکردگی کی علامت ہے۔

یاد رہے کہ ہواوے کمپنی کے خلاف امریکی اور برطانوی حکومتیں کھل کر سامنے آ چکی ہیں اور اس پر ہر طرح کی پابندیاں عائد کی جا رہی ہیں، کمپنی اس وقت 5 جی ٹیکنالوجی میں دنیا میں سب سے آگے ہے جس کی وجہ سے امریکہ کی جانب سے مخاصمانہ رویہ دیکھا جا رہا ہے۔

ہواوے کی ایگزیکٹو مینگ وانگ ژو

ہواوے کی ایگزیکٹو مینگ وانگ ژو اس وقت کینیڈا میں اپنے گھر پر نظربند ہیں جس سے چین اور کینیڈا کے تعلقات متاثر ہوئے ہیں۔ امریکہ نے دھوکہ دہی کے الزامات پر ان کی حوالگی کی درخواست دی ہوئی ہے۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site