دہری شہریت پر معاون خصوصی نااہل نہیں ہو سکتا، اسلام آباد ہائی کورٹ کا فیصلہ

اسلام آباد ہائیکورٹ نے کہا ہے کہ دہری شہریت پر وزیراعظم کا معاون خصوصی نااہل نہیں ہوسکتا اور اس حوالے سے تمام درخواستیں مسترد کی جاتی ہیں۔

اپنے فیصلے میں اسلام آباد ہائیکورٹ کے چیف جسٹس اطہر من اللہ نے کہا ہے کہ دہری شہریت رکھنے والا شخص بھی پاکستانی ہے جس کی حب الوطنی پر شک نہیں کیا جا سکتا۔

فیصلے میں مزید کہا گیا ہے کہ معاون خصوصی کی تقرری وزیراعظم کا حق ہے اور ان کی تعداد پر کوئی قدغن نہیں لگایا جا سکتا، وزیراعظم عوام کو جوابدہ ہے اور وہ اکیلے ریاستی نظام کو نہیں چلا سکتا۔

پاکستان منصف پارٹی کے چیئرمین ملک منصف نے دہری شہریت کے حامل افراد کی بطور معاون خصوصی تعیناتیوں کو چیلنج کیا تھا۔

دوران سماعت چیف جسٹس نے ریمارکس دیے کہ آرٹیکل 93 مشیروں سے متعلق ہے، معاونین خصوصی سے متعلق نہیں ہے۔ آئین میں کہیں نہیں لکھا کہ معاونین دہری شہریت نہیں رکھ سکتے۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site