اسرائیل اور متحدہ عرب امارات میں امن معاہدہ طے پا گیا، باہمی تعلقات قائم کرنے پر اتفاق

امریکہ کی مدد سے اسرائیل اور متحدہ عرب امارات کے درمیان امن معاہدہ طے پا گیا ہے جس کے مطابق دونوں ممالک تعلقات معمول پر لانے پر متفق ہو گئے ہیں۔

فلسطینیوں نے اس معاہدے کو پیٹھ میں خنجر گھونپنے کے مترادف قرار دے دیا ہے۔

اس معاہدے کا اعلان امریکی صدر ڈونلڈ ٹرمپ نے کیا ہے، اسرائیل نے مغربی کنارے کی فلسطینی زمینوں کو اپنے ملک کا حصہ نہ بنانے پر اتفاق کیا ہے۔

اس معاہدے کے بعد یو اے ای پہلا خلیجی ملک اور مصر، اردن کے بعد تیسرا عربی ملک بن گیا ہے جس نے اسرائیل کے ساتھ تعلقات قائم کیے ہیں۔

وائٹ ہاؤس کا کہنا ہے کہ یہ حیران کن معاہدہ اسرائیل، یو اے ای اور امریکہ کے درمیان طویل مذاکرات کے بعد طے پایا ہے۔

صدر ٹرمپ نے اسے بہت بڑی پیش رفت قرار دیتے ہوئے کہا ہے کہ یہ ہمارے دو عظیم دوستوں کے مابین تاریخی امن معاہدہ ہے۔

انہوں نے اسرائیل اور یو اے ای کا مشترکہ اعلامیہ بھی ٹویٹر پر شیئر کیا ہے۔ نیتن یاہو نے عبرانی زبان میں ٹوئٹ کیا کہ ‘یہ تاریخی دن’ ہے۔

جمعرات کو امریکی صدر ٹرمپ، اسرائیلی وزیر اعظم بنجمن نیتن یاہو اور ابوظہبی کے ولی عہد شیخ محمد بن زائد النہیان کے مابین ٹیلیفون پر گفتگو کے بعد معاہدہ طے پایا ہے۔

مشترکہ اعلامیہ میں کہا گیا ہے کہ یہ تاریخی سفارتی پیش رفت مشرق وسطیٰ میں امن کا عمل آگے بڑھائے گی، آنے والے ہفتوں میں اسرائیل اور یو اے ای کے وفود کے درمیان ملاقات ہو گی جس میں سرمایہ کاری، سیاحت، براہ راست پروازیں، سیکیورٹی، ٹیلی کمیونیکیشن اور دیگر معاملات پر معاہدے کیے جائیں گے۔

وائٹ ہاؤس میں رپورٹرز سے بات کرتے ہوئے صدر ٹرمپ نے اس امید کا اظہار کیا ہے کہ خطے کی دیگر مسلمان اقوام بھی یو اے ای کے نقش قدم پر چلیں گی۔

فلسطینیوں کا ردعمل

فلسطین کے مختلف گروہوں نے اس معاہدے پر شدید ردعمل کا اظہار کیا ہے اور کہا ہے کہ اس سے فلسطینیوں کے مقاصد کو کوئی فائدہ نہیں پہنچے گا کیونکہ اس میں فلسطینی عوام کے حقوق کو نظرانداز کیا گیا ہے۔

حماس نے معاہدے کی سخت مذمت کرتے ہوئے اسے فلسطینی عوام کی پشت میں غداری کا خنجر گھونپنے کے مترادف قرار دیا ہے۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site
اسرائیل اور متحدہ عرب امارات میں امن معاہدہ طے پا گیا، باہمی تعلقات قائم کرنے پر اتفاق is highly popular post having 3 Twitter shares
Share with your friends
Powered by ESSB