بھارت میں ایک ہی روز میں ساڑھے 64 ہزار کورونا کیسز، ایک ہزار سے زائد اموات

بھارت بری طرح کورونا وائرس کی لپیٹ میں ہے جہاں روزانہ کی بنیاد پر مصدقہ کیسز کی تعداد بڑھ رہی ہے۔

بھارت کورونا کیسز کے لحاظ سے دنیا میں تیسرے اور اموات کے حوالے سے چوتھے نمبر پر آ گیا ہے۔

وزارت صحت کے مطابق گزشتہ 24 گھنٹوں کے دوران 64 ہزار 553 کورونا مریض سامنے آئے ہیں جبکہ ایک ہزار سے زائد اموات ریکارڈ کی گئی ہیں۔ اموات کی شرح 1.95 فیصد ہے۔

ملک بھر میں اب تک کورونا کے 24 لاکھ 61 ہزار 190 کیسز سامنے آئے ہیں، اموات کی تعداد 48 ہزار سے زائد ہو چکی ہے۔ 17 لاکھ 51 ہزار 555 مریض اس وبا سے صحتیاب ہو چکے ہیں، صحتیابی کی شرح 70.17 فیصد بنتی ہے۔

بی بی سی کے مطابق بھارت میں گزشتہ 20 روز کے دوران کورونا کے 10 لاکھ مریض سامنے آ چکے ہیں، یہ تعداد امریکہ اور برازیل میں اتنے ہی عرصے میں آنے والے کورونا کیسز سے بھی زیادہ ہے۔ امریکہ اور برازیل میں 10 لاکھ سے 20 لاکھ مریضوں کی تعداد ہونے میں بالترتیب 43 اور 27 دن لگے تھے۔

ماہرین کا کہنا ہے کہ بھارتی حکومت کورونا سے ہونے والی اموات کی تعداد کم بتا رہی ہے، اسی طرح بھارت میں روزانہ رپورٹ ہونے والے کیسز کی تعداد دنیا بھر میں زیادہ ہے۔

ٹیگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

We are working hard for keeping this site online and only showing these promotions to get some earning. Please turn off adBlocker to continue visiting this site